＠１０點富泰邨集合，成個商場除左老麥就只得一間茶餐廳，無沒選擇的餘地。  
＠完成補給後起步，在寧泰樓後方覓得林中徑進入虎地下村，穿過果園、祠廟，在一工地旁邊發現坑渠般的老虎坑下游，進入石橋右邊的小路，至一民居門前便要轉入竹林小徑，期間會有四五隻臭否一路隔著鐵網瘋狂叫囂。  
＠未幾到達老虎坑水塘，即係藍地水塘。嘩ｄ水色好詭異，坊間傳聞有鯉魚精居於此塘，會拖人落水塘玩，真係頑皮。
 
＠為左唔打擾阿鯉魚，都係唔好由水塘入澗，沿旁邊的山路行多一段先覓路入澗，入口附近立了一塊聲稱有５０年歷史的植林紀念碑可以一影。行多兩步就可以隨意由疏林碎泥坡落澗。  
＠正式開始老虎坑旅程，意想不到的開揚大澗，仲要係飛佛既沙澗模式∼nice~  
＠離開左樹蔭一陣經已overheat，ａｂｃ決定就地搵個水深及膝位進行佢個人既０８下水禮，同我地既玻璃水石環洞相比…簡直係慘不忍睹。  
 
＠誰知百米以外經已出現是日首個水潭，雖然最深水處亦不過米餘去到心口，但勝在size都ｏｋ大，浸泡一個先唔好等。不過沙底池，踩兩腳就捲起哂ｄ泥沙架啦＝＿＝   
＠繼續，一路都係超平緩澗道，連跑帶跳高速推進完全無問題。
 
＠在筆直澗道的盡頭出現小水壩一道，標誌著下一個景點，亦係全澗的最佳嬉水位置，不知何方高手命名為行者池，大大隻字寫左起旁邊。  
 
＠行者池黎講水深夠哂潛泳加撻水，在水中載浮載沉享受陽光，再唔係可以典上池邊岩石上一嘗流水按摩，都係一個唔錯既選擇。  
＠溫馨提示返：玩水既時候都要小心堤邊的人工物，唔係秀鐵插腳就相當happy＝＿\＝   
＠下一站，長廊型小峽瀑一個，旁邊生長了少量豬籠草∼
 
 
＠全身入水計劃既話推薦水路正面突破，在小峽盡處頂著水流上攀∼唔係既話，右邊石脊上頂放落野返落黎慢慢玩亦得。  
＠再路過一個小池，澗道突然變成沙灘，沙灘後面收埋左條小瀑，可由左邊輕鬆翻越。  
＠睇下錶差唔多兩點，路過一個有少量蔭頂的小池，為免一陣要暴曬住食lunch，二人決定就在這裡休息，浸浴午餐一個先。  
＠咬完包再動，在不遠處澗道再次掂到山徑，主源黎講由呢度退出會係一個好選擇，繼續前進既話只會進入上源的林蔭小澗，環境就唔太差既，但悶囉。再十數分鐘路程又再cut到另一條小徑，咁既環境梗係出澗啦∼
＠向左走向右走，二人打開地圖研究左一輪都未定到位，雖則好明顯右走出屯門係最快既退路。九逕北面呢帶一向都無乜地理概念，二人以時間充裕為由，決定向左走一遊呢頭。結果開始了乃野的下半場…  
＠沿左路閃人，慢慢攀升至開揚位置，觀察全峪及數山坳位終於確定到位置。身處九逕北面三脈的中支，不想行回頭路既情況下有兩個提議：一.丹桂坑峪；二.翻過九逕出掃管笏。二人選擇了後者＝＿\＝  
＠體力隨著身上既澗水慢慢被太陽蒸乾，走在九逕的山脈上，樹蔭成為了奢望，我地只可以努力追逐遠方的浮雲…
 
＠途中一１９沖溝位。 
＠越過了九逕的屏障，風景黎講係五星級大讚架，無敵高清海景再加送千島湖一大個∼  
＠但得返半條人命既二人經已無心細賞，只想盡快離開這個活地獄 Orz  
＠幾經辛苦沿荒脊鏟返落引水道，以為好快可以脫出，點知有條街仔扮識路指錯方向，結果搞到要大拿拿悶走多四五ｋ引水道先出到掃管笏＝＿\＝
2008年5月8日 |
