|
＠呢度就係入澗位啦，有絲帶小路抄落澗。落澗既路都算幾好行，入澗前留影。
 
＠好快就去到一個大潭，亦都係全澗最大既潭，碧扇潭，小休游水。
 
＠我就唔使諗啦∼第一時間游番個靚水先∼同場加影跳潭！要贏人先要贏自己！！
＠玩左兩三個字就要走啦，唔係唔夠時間…
 
＠第一個難關，幾難上架。上到瀑頂，回望碧扇潭，又大又綠。
＠就起我地上瀑頂既途中…突然落大雨…唯有等一陣佢細d先再行啦~~~
 
＠等左兩個字左右終於停左…但係落完雨ｄ路好難行…唉…
 
＠澗道旁好多假蘋婆。這一段好幽森，
 
＠過左水壩冇耐就見到今日既主打， 一線瀑！
＠我地就係起瀑既左崖爬上去，真係有d難度…仲要落完雨濕哂好滑…
 
＠試左成兩三個字終於都典到上去。中途又落下雨，越黎越大…仲要行哂雷閃哂電咁…
 
＠呢個應該係最後一個潭啦，落去洗一洗衫再走啦。點知行錯左入荊蕀林，手腳損哂…真係唔開心…上埋呢個瀑過冇耐就見到巨石，指示左出澗既路。安全到步，走鹿湖郊遊徑閃人。
＠可以遠望番頭先爬過既瀑，利害利害。最後五點鐘安全出到公路撘車走，成隻泥鴨咁。準時去到上山藝…Nice。
2003年7月11日 |
