|
  
＠一早就去到起點新娘潭，一眾賊人示範了行澗的正確裝備同態度：斜揹袋仔、拖鞋、60L大背狼 =_=||…好明顯係門外漢咧，抵佢地之後賴野…
 
＠…反觀一眾年青人十分績極地研究路線，朝氣十足…入澗位，一眾初哥唔係好敢相信係「路」，好明顯未有對「路」既定義有所覺悟咧，十二分大水…水壓數次沖走隊員，都好既，少Ｄ人易Ｄ睇＝＿\＝
 
＠到達第一個大落差位，有個精彩兩層瀑布，可一玩半壁橫移再上攀，好玩！！其他人從左面山路繞高避開瀑布，我就上左此瀑後靠左接番山路…個人覺得此山路都幾難，又斜又爛…
 
＠行多兩步…勁咧！倒水咁0既龍珠瀑！！！仲好衰唔衰落起大雨添！但一探係必然0既事，至於右面…點睇都覺得係會死ge，我係唔會試右路上攀架咧。
 
＠上到瀑頂了，真係好高好恐怖，十分之虛無，跌落去開心死。
 
＠多得這雨勢…
 
＠幸好大家準備充足，守望相助，所以一路都無驚無險。
 
＠到壩了，合照一個，但Miss左睇紅蕃石一景，不過會再去，唔緊要啦。
 
＠唔…呢個就係霜壁潭…今日一Ｄ都唔平靜咧。續行，到達今日最驚喜景點，極出色的側瀑一大個！
 
＠氣勢十足！而且預留了影相靚位，非常出色！粘石花做野，竟敢上攀！我試過上唔到，太跣了！條友一定有粘液！
 
＠但威一威之後，付出了代價…之後呢個瀑平時好似係一左一右ge，今日幾乎融合左。
 
＠過呢個瀑後係一段平緩闊落澗道，之後不時有山路在澗道左右出現，我行快兩步，追到之前一隊行友，亦見到了郊遊徑條橋，終於出澗了~
＠但係…等左成個字都冇人…搞乜鬼？
2005年7月31日 |
