|
＠兩個無聊人半日即興閒遊，兩點粉嶺集合，小巴入南涌起步都成三點了。
 
＠大直路前進，遠遠經已見到林屋後的屏嘉，下游很巨大下。
 
＠走一段再左轉入貌似私家路的塘邊泥路入鹿頸林屋，接近民居經過一堆貨櫃之時要格外留神，大量野獸會潛伏在貨櫃箱之下伺機撲出。  
＠越過南涌河擅闖民居一記，十分順利地在居後找到入澗的位置。  
 
＠１５３０入澗，這段是極大的平緩澗道，感覺還ｏｋ。越過一塊巨大乾壁後好快就到達聞名以久的嘉龍潭，入澗１５分鐘都唔使，要到臨此景可謂十分之方便，但話說三數年前遊屏嘉之時極白痴地miss左，時至今日終於第一次到訪。
 
 
＠居高臨下一影全個嘉龍潭，面積黎講不算極大，但來回暢泳完全無問題。雖則經過終極黑雨的洗禮，但對於被中游大壩沒收了九成流量既嘉龍潭能夠呈活水狀態，個人黎講經已別無苛求…  
＠少量奶昔狀物係無可避免既…  
＠潭後是連發五六七個壺穴的石板流瀑，傳說其中有兩個壺穴是相通的，但潛入觀察一輪都搵唔到個穿洞位，返去睇資料話係第三同第四個壺穴，下次再仔細研究過。
 
＠撇除水量問題，嘉龍潭絕對係一個出色既景點，可惜只可淪為ａｂｃ「影我啦」既犧牲品…  
＠隨便游返兩個塘就閃人，在嘉龍潭頂右邊發現管理站後的入澗位，離嘉龍只有兩步之遙，當年就係起呢度入澗無視左樓下個大潭上溯離開了…如果唔想同林屋ｄ猛獸打交道，在這裡入澗都係一個不錯既選擇。
 
 
＠繼續行程，路過淺潭兩三個，澗道開始攀升並進入巨岩區，印象中真係無乜邊條澗係由咁巨型既岩石砌成。
 
＠隨著高度上升，漸漸可以遠觀到山谷外的魚塘及山邊村落。  
 
＠一路上看到石身上存在者許多壺穴，不難想像這裡從前飛瀑層出的光景，可惜可惜。  
＠１６４５到達可惡的水壩，就是這樣食哂下游ｄ水＝＿\＝  
＠越過堤壩後過河到右邊就可以出澗架，ａｂｃ建議越過這團朱固力奶昔… 
＠時間尚早，離澗後在停機坪小休影相，食埋個ｔｅａ慢慢死出沙頭角公路搭車走人。
2008年6月12日 |
