|
＠原定０８３０東涌活動集合，競競未收到改線通告走左去陰澳，要花多五個大洋搭車去東涌…同ａｂｃ在大家樂食通粉既時候巧遇竺師太，寒喧一會後佢老人家就先行出發去東龍閒步了，而人稱活動發起人既落探員到０９３０都仲未見人＝＿\＝電聯條衰仔話會自己追龍，結果等埋競競到步就立刻出發了∼
  
＠為左追返錯失左既時間同唔好俾落探員咁易追到，我地以時速５ｋ既速度，沿海旁大石屎路直踩到大蠔涼亭先坐低等佢，順手嘲弄一番「龜黎架」？  
＠合流後入村，因為被小否攔路，於是在村屋群之前入澗，入澗位還有一支炮＝＿＝  
＠澗道都算企理，不過話哂都係經過村落的下源，暫時都係唔好落水住，要踏石而行。上溯不久便有分叉路，這時選取左源。
 
＠很快便開始精華段了，一個半月型的水潭令到眾人忍唔住要大休玩水。  
＠潛入潭中看池魚，水不是極清，但能見度亦算不錯，加上全個潭也照到陽光，感覺幾乾淨。沿著水潭潛到短瀑之下，最深的地方有兩米多吧。嘗試沿瀑上攀，但手腳位不良最後都係失敗左…  
＠在左邊攀上瀑頂，發現上面有小石堤及一個更大的水池。   
＠三人使出合作技「Final Fusion」與石堤融為一體，成功將池水將至最大劑量，幾十平方米水潭水位上升４０ｃｍ，差ｄ將落隊員的Switch 14浸沒！功敗垂成真可惜！  
＠再起步，澗中發現一巨石堆砌成小通道，不知何時起賊人們見到洞就會不能自拔地要穿一穿，明明側邊有大路都唔行係都係穿洞＝＿＝  
＠穿洞後經過芒草輕點區又有新景觀，這是一個配有一雙短瀑的長廊形水潭。   
＠潭水頗淺游得唔𣈱快，但係可以游到水潭盡處鼠入瀑後小石室，隔著水簾觀天的感覺十分奇妙。
 
＠享受水力按摩十分受用，但係咁泡浸在冰涼既潭水中都唔辨法，玩到失溫手指開始麻痺＝＿\＝
 
＠同競競二人用最大既身體表面積緊貼地上，吸取地熱rebody，爽！就係咁又玩左半個鐘！
  
＠之後的澗道收窄了不少，四周的樹木又增加令定位出現困難，我們在一個極窄的左右源分叉位猶豫了很久，最後決定選走左路。  
＠走沒多久澗道稍為開揚了些，落探員這時鼠上右邊的草坡上，看到田寮壁就在我們的前方！確定方向正確！
 
＠最後在林蔭澗道中再經過兩三個中小型瀑布便到達田寮壁的底部，嘩真係「考朱打」！高到七劍下天山！水量都算係咁叫有ｄ瀑睇下，但係塊壁真係超級唔User Friendly，成塊都係濕壁接觸不能！
＠同阿落意圖先行上去瀑頂影相，在瀑右山路上攀，條路差到呢！極斜碎泥石坡附送無限不知名洞穴，除左受盡荊棘落石既威脅，最擔心都係唔知洞穴入面有無ｄ長條形的住客…一陣爬爬下探個頭出黎SayHi就真係嚇鼠阿叔！ 
＠一有機會即刻鼠過草叢打返出巨壁中段，但係巨壁上段是呈７０度斜度的濕壁！很難走出去影相，宣佈行動失敗…大叫壁下的隊員撤離後我地都繼續上攀到壁頂。
 
＠壁頂大休午餐嘆咖啡，順手洗一洗剛剛抄山路時的泥塵。離澗之路就在壁頂附近，隨意地沿草坡大方向鏟上山頂石群。 
  
＠玩到呢度大家都一早放放棄左下半程既田字灣坑架啦，都係山頂大休玩石吹吹風吧啦∼  
＠晴是永遠著迷，終極好天既既日子，玩兩個爛鬼石堆都可以Hea成粒鐘，搞到最後要趕返工既ａ先生都少理我地先行孤身上路回去。  
＠玩到成四點先捨得動身離開，回程路上亂得傳說中既仙桃石，隨便合影一張繼續上路，經望渡坳閃返出大蠔，最後一段海旁大路三人又離奇地燃燒哂餘下既能源７ｋ爆返東涌，完全唔明行咁快做乜狗！？癲架咩！？
2006年9月17日 |
