＠連遊黃龍北龍二澗的上半場，今日既目標係上午北龍，中午東涌食飯加會合阿棠，下午四人再戰黃龍！！此役造就了不少經典場面及多項紀錄包括最長時間單日行程、最驚喜水質大賞、最無尼頭迷路、入澗後最短掛彩時間、最shit離澗出路等等。
 
＠經赤蠟角新村進入黃龍坑，馬路盡頭有地龍及堤壩，堤壩便是北龍的入口。
 
＠聽聞北龍是一條乾坑，多數都係急降撤退既Short Cut。但大雨過後景象一新！！水豐質優，即刻要同阿威換涼鞋落水行。為左影右圖撞反了腳甲…痛到呢…
 
＠一路都行得十分舒適，小瀑小潭不斷，清幽雅致。澗道亦很開揚，有陽光透入。
 
＠開揚了一段，有一個小池可以玩水！！
 
＠這裡本來應該係惡搞濕壁…而家就好正！！水清見底！
 
＠見瀑就攀，梯級狀小流瀑。後段變得較陰森了。
 
＠真係多謝哂上方既隊員阿威幫手製造山洪。出澗後有一段惡搞濕泥坭…有繩用。
＠天書壁，北龍主打景點！兩塊直壁成９０度曲尺狀，成本書咁。
＠但係今日被驚喜水質比下去了
 
＠壁左沿小小石走廊離開，登上壁頂危坐！
 
＠小休飲奶，登上山脊遇有烈日一個，體力流失６０％。差Ｄ哂乾…
＠回望大東山上的小屋。
 
＠本欲一探阿婆…最後放棄。急步沿薄刀刃婆髻山中間岰位下降東涌食飯。落到馬路都要搞事…捐渠…
＠耶！！！開飯 ＴˍＴ！醫飽個肚就準備下半場既行程！！
2004年5月10日 |
