|
＠零五年度第一擊，挑選這個枯水的季節，Full Team 直擊臥龍五星險地！相約10點大家樂集合，準時去到一個人都冇，耳邊響起冷冷的風聲…大約等到十點半先人齊…早點購物之後打的至赤蠟角新村起步。
 
＠先入黃龍石澗，仲有少少水，但係佈滿青苔。暴走臥龍澗口，有臥龍長嘯石。入口在左，有無數絲帶。
 
＠初段無乜特別。暴走。
 
＠不久澗道開始斜，不知不覺到達龍爪潭，死水。在這裡澗開二道，左臥龍，右龍咢。
＠龍爪後澗道變得開揚，右方的絕崖十分壯觀！
 
＠進入主打路段，大量攀爬。有難度的峽位，兵分三路，Dino Lv 3中路直攀，Lok威 Lv2 右路，其他 Lv1 左路。
 
＠阿威首度被困，登崖頂後落石洩憤。全員越過第一關。
  
＠第二關觀鳳台，要先攀上一斜壁，手腳位唔多要靠D Friction。
 
＠各自搵食，隊員樂同Dino 再挑戰濕崖，玩到一身屎。阿威第二度被困。
＠觀鳳。
  
＠越過觀鳳台後不久便會達絕龍谷！絕龍谷比想象中窄，但係氣勢不減！左方係濕崖，雨季會有瀑布流下，右方則為直崖，絕對的直崖！
 
＠絕龍谷合照。影完相同隊員競先走，在右邊繞路而上，回影崖下谷中的隊員。
＠沿藍路上攀，左方為十米直崖，造成極大心理壓力！同隊員競在分差位轉向右上方上探Ｂ線，隊員花則後發先至，帶頭探Ａ線。無行Ａ線唔知邊條難Ｄ。Ａ線應為正路，之後聽一眾隊員講此路險，但唔係太難。身旁就係絕崖，心理因素最重要。Ｂ線感覺好Ｄ，失手既話都唔會一野到底，應該可以起個崖度典兩野先。但係有一個小肚位頂一頂你、手腳位又不太良好要勉力一攀才可登頂。
  
＠這時我地三位先行者已登頂了，繞林路至左方崖頂遠觀其他隊員生死一線既情況。
＠睇住佢地在崖邊爭扎大休食野，見到隊員威掛住起崖邊唔上唔落咁，極之有娛樂性！
 
＠最後安全大使Dino 終於要出動新購入既裝備，放繩協助隊員上攀。右圖為隊員在崖邊等待救援既情況ＸＤ
 
＠隊員威脫困在崖頂影的全景圖。右為已過海隔岸觀火的人；左為生死一線的人。
 
＠未幾終於全員安全抵達崖頂！起呢度玩左成成個鐘！谷頂合照！
 
＠完成絕龍谷後沒有再沿澗上溯，在崖頂左方的小支流離開，不用五分鐘便可以出澗。極快完成臥龍之旅…
＠出澗位遠觀鳳凰！
  
＠決定順遊北龍天書壁。下降樹藤走廊！
 
＠壁底觀天。
 
＠給壁頂危坐的隊員拍照。瘋狂了的隊員Dino過份玩命，單手單腳怒吊天書壁。
 
＠玩完天書壁經薄刀刃閃人。
 
＠下降極斜既小指峰，同隊員樂競開盡Down Hill Engine，極速拋離。
 
＠小指峰頂為密林所據，冇乜好玩，反而再落一段會有少量露頭可以一攀。
 
＠對著山下狂嚎，嚇跑了兩名踏單車的路人。重臨北龍水壩，完成環繞一圈的行程。
  
＠發現地龍噴出煙霧吸引了隊員注意。一眾狂陡怒爆地龍入口，強闖鐵扇骨尖刺突入！
 
＠地下活動。十分寬敞乾爽，仲有梯爬。竟然可以兜去黃龍堤壩下面！至此終於盡遊東涌五龍！
2005年1月2日 |
