|
＠高手Dino新登場。東涌打的赤蠟墮新村，比司機少左一野之餘仲要臨停用必殺技跳多一野錶…
 
＠入澗無耐平衡王阿威已經抝柴 P一hit 受傷，經軍醫Dino 搶救後證實不治。
 
＠到達黃龍，比起上次細水左好多，但係都好出色。
 
＠黃龍真係玩水聖地！玩完水走回頭路入溯藏龍石澗。
 
＠越過下源一段陰森澗道後景觀突然變開揚，原已到達龍吟峽三瀑的第一個，天梯瀑。玩集水遊戲來一個人造天梯瀑。
 
＠左方是冇可上攀的天梯崖大斜壁。可以在瀑右的小棧道翻上瀑頂。Set了繩可供借力。
＠在天梯瀑頂的一個小水潭，不太吸引。
 
＠第二瀑，龍髯瀑，極之出色！微紅既岩石配合輕輕散下既流瀑！清幽！！越過此瀑可取道右方。
 
＠不久便會遇到第三個瀑布，頗綿長的，但是沒有名字。可從瀑右攀上。瀑布中間有一個水蝕的小洞，隊員樂享受中。
＠努力求生的隊員威。登上第三瀑頂之後，我地就起鬼頭石旁開爐大休。而所謂既鬼頭石唔知點睇先似。鬼頭石之後澗開二道，我地先探左方飛絮瀑再折返上溯右源。
 
＠左源飛絮瀑，漆黑的惡崖加上微弱的流水不太討好…望幾眼就算數，折返去右源。
 
＠右源格仔狀黑崖乾瀑，幾有趣。可以靠左面攀上頂。石幾碎，小心小心。最後經過一段極消磨鬥志既陰濕道澗，終於接返黃龍郊遊徑氣餒離場…放棄上源…
＠路過觀景台一睹整個黃龍水系。
2004年6月5日 |
