|
＠今日有d特別，"間接傷害"(公棠鴻特胡)先出發，我同阿沛則計劃在澗道追上佢地。果日有超局部地區性的大雨，阿棠報告話城水落到隻狗咁，但當時我在荃灣曬到燒焦…快步去到灰橋…damn！水位係我數次來最低…幾乎斷水，個心涼左一截，但愈行就愈勁，水量係4次之中最強，相信係拜該場雨水所賜，正！
 
＠初段第一個落水位，一條窄窄的急流，旁有大石一舊，十分開揚，係大休既好地方。經十分鐘的奔跑，追到了"間接傷害"。
 
＠竹節蟲…下一秒就被一個狂魔做瓜左，唉…右圖可見初段水位唔高，可以唔濕腳。
 
＠中途與老伯共享小池浮游之樂。遇有"V"字大石，阿沛試塞中間裂縫但失敗了。
  
＠靚景不絕，長形中型水潭，特倫斯正試闖此潭上的流瀑。「靚」的杜鵑潭。
  
＠大鳥石底小休，高手沛於大鳥石頂。大鳥石下回望連續數個中小型水池，睇到都覺得舒服。
  
＠小休續上，互影，留意左面有瀑布。此瀑是由三四條瀑所組成，連綿不絕，右圖中年事已高的胡女士正挑戰瀑布。
  
＠以前冇留意的瀑布都變得可觀。到了一條龍澗口，水量唔算大增，上去行左一行，回望眾隊友。
 
＠一條龍後不久就到楓葉潭，終於成功在此游水！！楓葉潭因多枝葉有dd泡，所以大家去楓葉潭瀑頂的潭大休....留意遠處瀑上有兩個瀑布人...
  
＠此楓葉潭上的瀑極特別，你可先游過楓葉潭，爬上楓葉潭瀑布游至第二個長形潭，盡頭突然可90度左轉並有小坑道一條，旁邊就有這個藏於峽中的澎湃瀑布，好好玩！再上一個大潭，極深，環境亦比之前陰森，但水中出奇有大白石一大舊可供安坐，此瀑右面可攀，會是全大城中下段最險(唔計攀瀑)，不想冒險左方有山路繞過。
 
＠如此潭瀑不下十幾個，玩到疲，大水到右方小荒澗都有水。肥佬麥完成大合影，完美的一天yeah！手勢為年近古稀的激潮胡女士所創，以表示其新涼鞋的高貴。
相關遊記：
2004年6月26日 |
