|
＠於蛇吧咬飯後便前往一探呢條閒名已久既鹿山飛瀑。極近，由赤泥坪沿馬路向大埔方向行五分鐘已到達澗口。
  
＠入口便在這個歡迎光臨版前。在路的左面好明顯有出現左一大個深谷。右邊相信都有路，但係我地在澗左水渠爆了入澗，入去一睇，渠…
  
＠極之陰暗的澗道，水質奇差，微呈乳白色，更加係蚊蟲既王國，留多一陣都無命。真係估唔到雨後都係咁既德性，真係要多謝哂樓上既農場。
  
＠在一級狀小瀑左折，在右邊別有一支小瀑，抬頭一望就見到今日主打「鹿山飛瀑」。
 
＠沿左面窄狹水道前行數步便可到達飛瀑底。
 
＠斷估有廿幾米高，瀑布分兩級飛瀉而下。十分出色既瀑勢！！總算無白走這一趟！！
  
＠由於極多昆蟲滋擾，在瀑底觀賞一陣子便快速逃脫。可沿瀑右岩壁上攀此瀑，上到第二層可以右折入竹林避開濕崖。
  
＠繞進右邊小支流，在這裡可沿鐵水管上行。
＠景觀越見開揚，可以遠眺逸夫書院及吐露港。
  
＠繞至瀑頂觀察一下後便馬上離開呢個鬼地方。再走一段濕滑澗道便在左邊發現離澗的山路了，可沿路下山返回大埔尾。
2005年5月28日 |
