|
＠星期六放工落雨沒事做，決定返屋企發呆，豈料撘車既時候阿樂打黎話去玩…結果食完飯要等埋佢買新涼鞋先出發，个要我幫袋住對舊鞋…三點由火炭火車站出發，微雨。
  
＠火炭火車站的新鞋、新相機與樂。沿蚊坑下游向工業村方向走，再左折向平房區方向，坳背灣坑正係藏於圖中所指山谷之中。路過平房區，沿這條路繼續前行會見到”阿彌陀佛石碑”，而它旁邊的河道就是坳背灣坑的下游了，先不要入澗。
 
＠沿車路左轉上山數十步會遇到分叉路，右路會通向水壩及集水設施，壩左有梯可供攀上。
  
＠這裡有一個大型漏斗形集水設施，可在鐵絲網後觀看，鐵絲網的盡處又會出現一梯，上到頂會發現右面有明顯路徑入澗。入澗處一景頗開揚，水壩後有一中型潭。
  
＠數步之後又發現四層小瀑，別緻！雨後的澗道十分濕滑…
  
＠本來諗住唔落水，結果都係括出去吧啦…
＠水簾(水柱)洞內向外影，防水相機的威力…
  
＠未幾又發現好野，潭後石峽裡還藏了一條中型瀑！
＠瀑後還有一個石室！奇！水力集中！猛！要攀上這瀑後的石室便要使用後壁虎法！！就好似圖中所示慢慢典上去。
  
＠瀑頂回望，發覺時間過得好快，要使出迷蹤步暴走。
  
＠一路澗水而行，水量極之誇張，極少明顯手腳位可用，要慢慢摸上去。仲有得穿洞！
  
＠又一斜壁小瀑，平時可能係冇料到的，但係今次真係好大水！
＠隊員樂嘗試一攀結果被困！耶！！
  
＠石棧道旁又有幾級小瀑，在這裡可以看到遠處有一倒三角形的散瀑，可惜被水潭阻路，唯有繞左面山坡前行，山坡上右望散瀑由上而下擴散開來！找機會要來個正面突破。
＠不要妄想從山坡直落到瀑底，除非想自由下降 1X米。另外山坡的泥十分鬆散，別走太出，外緣是倒崖…
  
＠但係咁奇既瀑布又點可以錯過，由左方坡繞至瀑頂再下降賞瀑激攀啦！！
 
＠怒攀激流瀑布！精彩！單腳危站下臨無地！好啦…玩到過左火啦，正想離開之際眼鏡唔捨得走玩潛水…６點半，天開始黑又搵唔到路，最後決定沿路暴走撤退…好采走得快，七點出到澗口，唔係就…嘿嘿嘿。
＠下次溯源∼
2005年8月28日 |
