＠錦田車房出車，雖然遲左少少但都食埋個靚早先行過去集合，去到果時大伙兒經已搬哂啲車出黎準備好出發，太好。百里長征事不宜遲。
 
＠1035起步，轉出錦泰路沿錦田河逆線行車出錦田公路。  
＠路邊先調一調較啲戰車，再來進入粉錦公路開始有啲上斜路段，過埋消防局就開始衝落山。
 
＠塘公嶺右轉入小路，經大壟農場穿田間小路，踩小路由於條路窄既關係果個速度感爽好多，而且只要稍為偏離軌道就會衝落田，好刺激架。  
＠出到丙崗，即係我老家，過門而不入既做法做得好好，太耐無返去都變左好多。
 
＠1130清河邨柒仔補給一下再出發。百和路接粉嶺公路一路殺到去塘坑轉上天橋，呢度幾條天橋路面都起到波浪形咁，玩下車震都幾爽架。
 
＠九龍坑火車軌旁新馬路繼續向大埔方向前發。到達太和邨附近，途中都有佛寺，話說係某單車鬼故中既主場景之一，人影都唔多隻，日光日白都笠笠地。
  
＠1225大埔捷成到著，本身只係諗住調一調架車，點知臨時加插左購物環節，手套、里程計等裝備入手∼yo∼
 
＠成點鐘先再起步，下一站預定中大CCcan午餐，為左追返少少時間，車隊全速吐露左一野１５分鐘到達馬料水，根據新里程計顯示平均都有30至40ｋ，很努力了∼  
＠1320CCcan到著，咬返個雙拼燒味飯咁，仲有大陸松鼠跳黎跳去，好頑皮：P  
＠1400完事再動，馬鞍山入西沙路，星期日踩西沙路係好危險既事，商議後決定唔理得咁多全速一野爆到去馬牯纜入村就安全哂∼
 
＠大洞經林間泥路衝落瓦窰頭，爽∼跟住一段海邊小路值得推薦，穿梭於紅樹林隧道之中感覺大好。一路經西徑、企嶺下新舊圍殺到去入榕樹澳條引水道，跟手上水浪窩呢段仔就真係攞命…斜到…  
＠上到水浪窩西沙路，又返回危險路段，直接衝落去西貢應該好爽，但被警察周到就凶多吉少，商議後決定取道麥徑，就算被漁仔捉到都可以求下情ＸＤ抬一段泥路接返石屎馬路，仲斜過頭先上水浪窩果段，ｓ形蛇走死典上去接返竹洋路，命都短幾年＝＿＝
 
＠辛苦完一輪，跟手衝返落西貢，呢段彎急車多，雖然好好衝都唔敢太快，去到４０左右就收一收，安全第一。喂~超速喎老兄~~
 
＠接返大網仔路出西貢，４點＝＿\＝仲要好任性咁大休飲汽水抖左成２０分鐘。   
＠離開西貢既時候撞到阿Dee架車經過，Say個hi繼續沿西貢公路出白沙灣。５點，泊低架車，喺遊艇會外空地野餐一番樂，有香蕉、肉乾、豆花∼！打打底準備應付今日最攞命既路段，上飛鵝山＝＿＝  
＠食飽上路，蠔涌入大藍湖，路過隱世村落時有隻臭否瘋狂追尾。  
＠馬路去盡又要抬車上山。
  
＠山路去到一間離奇大屋，荒山野嶺有間咁靚既屋都幾得人驚下。  
 
＠接百花林路，堪稱全日最斜路段＝＿＝幾經辛苦去到飛鵝山道，純靠意志力推動，開始各自修行，一路上極多車震人仕踩行油咁上山，睇黎好趕時間，見到人避都唔避下，真係要少佢兩棍。
 
 
＠龜速死典左成個鐘終於去到東山觀景台，很努力了∼之後終於有好日子過~~~
 
 
＠經觀音山一野衝返落去大老山隧道，黑夜?彎超刺激，高速落斜既盡頭放左幾塊巨石做RoadBlock，睇漏眼無減速咁撞埋去既話應該人車都會散開幾截。半個鐘隧道口到著∼！為免驚動隧道職員，先熄熄個車頭燈先啦，再黎洞口合照留個紀念∼  
＠恆商旁邊鼠返出黎，2030廣源?搵埋阿鬼食個豐富晚飯加甜品∼
 
 
＠行程去到尾聲，大家既鬥志依然極之高漲，再全速踩多程吐露港。最後林錦公路頂埋條嘉道理斜，告別領隊老競後又６０ｋ衝落錦田~
 
＠返到車房2320，100公里除返13個鐘，時速10k都無∼正∼
2009年9月27日 |
