|
＠再一次使出打的計劃直入白腊灣路口，都成９０蚊。本來應該係去白腊灣營地，唔知點解早左少少落車。落車稍為執拾一下行裝，阿花起路口垃圾桶旁邊再一次搵到運輸艦隻乙艘，帶同上路。
  
＠漫步數分鐘去到白腊灣營地的入口，沿石屎路下降，意圖在路左抄捷徑下降白腊仔石灘，結果一開波就乃了野，捐林誤闖入左泥沼地帶…要涉水前進，仲不時差錯腳跌落積水之中…呢段泥沼地中計得黎都幾好Feel，好采唔係慢長抗戰…
 
＠沿著小溪穿越呢一片相當健康既濕地，最後同Ｄ露兜林搏鬥左一陣就重出生天，衝線到達白腊仔既七重石灘！由熱鬥小花以一個身位險勝阿棠。
 
 
＠石灘上竟然發現復古造型木椅兩張，極喜歡木椅的設計及椅身上的雕花！加埋滿佈卵石既石灘同一望無際既大海，太出色既造型照場景！
  
＠除左椅子，仲有一條大枯木。阿棠跌到被枯木貫穿了胸膛。
 
＠隊員花同並肩作戰既助浮衣進行Final Fusion，進化為異形獸。在灘上發現一張ＢＢ床同一隻面目極之邪惡既魔鬼怪嬰。
  
＠沿灘右綑邊前進，時而翻過高崖，時而越過海溝。綑岸時更見到另外幾張剛剛的復古木椅，但大多支離破碎，唔坐得Lu。
 
＠白腊仔的第二個灘，見到有一班朋友正在學潛水。呢個灘同剛剛那一個簡直係天壤之別，頭一個滿佈卵石，而呢個竟然成個沙灘輔滿哂細沙，搵舊石仔睇下都無！不過灘後都有唔少垃圾，同有一個由垃圾堆砌成的不知名物體，放左個神台起入面＝＿＝
 
＠由於個灘太正，決定大休𣈱泳一番。加插魔術表演環節，刀鋸花花。可惜表演失敗阿花慘被切成兩斷。
  
＠玩完水繼續行程，向木棉洞前進，中途翻越了一個海蝕隙，可以泳渡，亦可攀崖下降洞內淺石，再攀上對岸。如果遠觀過白腊仔呢一面既海岸線或者睇過地圖，應該會發現木棉洞之前有兩三個大型的海蝕隙，第一個都可以唔落水過，但之後果ｄ就避無可避，由於風浪都ＯＫ大，決定放棄綑邊踏短草登上山脊。
 
＠上到山脊有大路行，唔使幾分鐘既路程已經越過哂Ｄ海蝕隙，今日白腊仔都幾多遊船，岩岩綑邊既時候都幾多人望實＝＿＝，應該當我地係傻仔。
  
＠木棉洞前一個海蝕隙，極高極大型，山路在海蝕隙的頂部越過，腳邊已經係幾十米高既海崖！！行出少少都極驚！！假以時日比海浪打通左既話應該會勁過木棉洞！
 
＠隔岸拍照，有Ｄ破邊Feel。睇完海蝕隙在後方山路下降木棉洞南邊的洞口。
 
＠這邊水位較淺，可以涉水步行入內。好別緻既洞形，總覺得好似一個『問號』，但事實又唔係咁似…意圖步出北面的洞口，但係好大浪唔敢亂黎啦，去到一半就打道回府。
  
＠另外都好鐘意洞口既地上的岩石，顏色好鮮艷！大伙兒在洞底排排坐午餐，享受一下由另一邊洞口吹過來的海風。食飽就離開木棉洞，本想繼續綑邊過，但係水漲船高，必須全身落水，所以都係沿山路撤退。
 
＠已經去到對岸的山脊，站在倒腕崖之上回望木棉洞，岸咀好似蛇咁Ｓ形扭出海，有趣！面前呢一舊石係倒腕崖最外圍凸出懸空既位置！！完全唔夠薑行出去！好癲！！
 
＠倒腕崖下望∼呼∼一野到底！ ＠繼續下降，準備突擊小破邊！
 
＠落到較近海既位置，可以看穿對面既木棉洞啦。
 
＠到達小破邊！好有趣既一個孤島仔，十分吊詭，外形同佈局跟破邊洲很相似，但係氣勢差左十倍。游渡過「小神削」一登小破邊，水道內水位雖然大上大落，但係流勢簡單不難應付，對岸亦有充足手腳可以上攀登陸。
 
＠去到小破邊頂，睇相唔多覺，但係其實都幾高。一登完返落黎玩跳海！「小神削」極深，深過真既神削峽水道好多！加埋大浪水位升起米幾，絕對可以任意撻水！
＠飛躍！意圖擊掌可惜有Time Lag事敗！！有助浮衣完全免去爆肺既危機，十分好既一個裝置。玩完撻水就閃人，急急腳綑去白腊會合阿Bun同Winnie。
 
＠白腊灣畔的荒廢碼頭。最外的三條石柱睇黎有反地深吸力既功能。
  
＠有帆船玩！型！仲有好多小否黎渡假∼但係星期日白腊灣極之多人！多到有點難受…同埋太多遊艇，搞到Ｄ水好大陣汽油味…都係白腊仔好好多。
 
＠隨便玩下水，助浮衣合體進化成浮床，真嘆黎講，可惜最後都係比人擊沉…
  
＠法輪功！？ ＠瑜伽！？ ＠體操！？
 
＠今日天氣其實十分悶熱，空氣又差，全隊玩到後段都喉嚨敏感係咁咳，真係不宜做劇烈運動，都係起沙灘玩下水好Ｄ。最後玩到五點零就邊行出北潭涌邊等的士出西貢。
2005年9月11日 |
