|
 
＠晨早大學站集合，馬尿水碼頭撘八點半船入塔門。個半鐘船程，十點到步。
  
＠碼頭十分熱鬧，旁邊仲擺左好多土產攤檔。天氣都幾熱，上岸第一時間去士多買野飲，一罐綠力都係５蚊，好抵！
  
＠起行環島之旅，向右邊出發，經過警局、青年會等建築，跟住路標既指示穿越了島中間的林路，去到島既另一面。
  
＠另一邊有一大片草地，對住一望無際既大海，幾好景。有條超靚路駁落去石灘。
＠落到石灘回望上草地，發現有一大班油麻地遊人霸哂成片草地…岸咀有一個大蝕洞，今日大隊都係不宜探遊，下年有機會再黎。
 
＠沿岸邊向疊石前發，中途見到石間有一條死蛇＝＿＝。話說公主一伙人琴晚起塔門露宿，原路都大呼甚名，可惜未見有回應。
  
＠真係好熱，頂唔順起岸邊一個陰頂位休息回回氣，旁邊仲有一個爛鬼海洞。
 
＠威加一隊員休息既時候一個唔小心差錯腳踩左落水＝＿＝之後成程都要做赤腳小子。
＠行多兩步到疊石，除左疊石，個崖既其他石景都唔錯。個勢同黃牛果堆有得揮。
  
＠一睇就知係重高達ma。一陣先上去玩，而家過左疊石先，少攀一下疊石下的石隙，對一眾加一隊員已經極富挑戰性。
 
＠疊石果然唔係浪得虛名，十分不俗既一座石塔，有Ｄ似復活島神像。圍住疊石行左一圈，都係覺得由呢一個角度低抄上去最好睇。
  
＠難得黎到實在不能放過一攀疊石既機會，第一級經已好難上，一個人上既話要奮力跳一野再用手撐個身上去，不過用人疊人既方法就可以輕輕鬆鬆上到第一級。第二級都研究左好耐，一再嘗試發現係有位可以攀上頂的，可行性１００％，但係最驚係上左落唔返黎，都係放棄…下次有繩先玩。
  
＠玩埋疊石繞個圈上返草地，望返落去疊石，都係一開始個角度最好。
 
＠十分出色既設施，雖然係人工，但係有張長椅咁樣對住個大海真係幾好Feel。
 
＠大大片草地，一路上再次呼喚公主不果。時間尚早，決定經埋漁民新村睇下搵唔搵到ｄ野醫肚先，之後再返去睇天后古廟。落漁民新村條路經過極多墳地…
＠漁民新村，十分整齊既格局，有ｄ臨時房屋Feel。直行直過，只係見到賣野飲的士多，唯有返去碼頭果面搵野食。
  
＠一條大路返到碼頭附近，在小公園休息一會，中途見到有幾個小美眉寫意地在屋企後嬉水，忍唔住要做痴漢偷影一下，敝！比佢地發現左！返到碼頭條街人山人海…
  
＠就在附近隨便搵一間冷氣小館午餐，入到去見到張咁哩既海報先發現竟然光顧左俊俊間鋪頭。除左俊俊之外，小二妹妹既特別推介仲有「無．冰凍奶茶」同鮮魷麵。
  
＠食野既時間俊俊一直躲在牆角睏覺，唉…今時今日咁既服務態度係唔Work架，一輪教訓之後佢經已決心改過，以後應該會落力ｄ拉客。食飽野就閃人去睇睇個天后廟，隊員威又搞Gag，無啦啦走上去人家屋頂影相，搞到被婆婆鬧…＝＿\＝
 
＠天后古廟。
  
＠廟入面仲有ｄ燈籠，廟門鎖的裝飾，令人諗起蓮花。
 
＠睇完廟就去島北面登一登個塔門頂，１２５茅平山。極大路但係烈日下都幾辛苦，中途仲比隻牛阻一阻路。
＠登頂途中可以右望塔門隔離果個人稱獅子滾球既「弓洲」。幾有趣既島仔，仲有兩三個小型既海洞可以一玩。
 
＠到頂，行多兩步可以遠觀赤門海峽口的赤洲。
＠呈赤紅色的島嶼。下年可以整個船河團同獅子滾球連遊。山頂幾好風，小休一陣就閃人，仲有時間決定探埋龍頸筋，加一隊員呈撻皮狀，於是由和哥哥帶佢地閒盪一陣子先，三人小組前往一探龍頸筋，臨走既時候同和哥哥語重心長地叮嚀…如果見唔到我地返黎就先坐船走…應該係估到會乃野＝＿＝
 
＠經過島東岸的小徑前往龍頸筋，接落海邊條路有小密，都幾斜，但係Set哂繩落去，隊員威先行，下降既時候突然聽到佢叫話比蜂針左一野，心諗蜂啫，好小事，不以為意繼續沿小路下降。點知到我地兩個經過既時候就一大堆湧出黎追住我地黎咬！！起條咁既路被追殺，真係屈哂機，拼命暴走落海邊但係都中左十幾針！！
 
＠開頭都無乜事，點知越黎越Wing，之後睇野仲越黎越光，跟住成個畫面白哂乜都睇唔到，唉知道大鑊，唔求救都唔得。０５年隨時候命第三擊，咁樣賺取飛行里數真係唔抵…巧合地又遇到英勇的表哥＝＿\＝，真係辛苦哂，三人快速地被送左去東區醫院，最大鑊都係我，要睏一晚醫院…比ｄ蜂圍住後腦打左六七針，點睏都痛到哩，真係濕濟…
2005年11月6日
相關連結:
|
