|
＠一早起來，由elmo 老巢出發去鑽石山食個靚早餐，順手等埋跟隊既阿棠同Johnny，落探員一再叮嚀久疏戰陣既Johnny要盡量輕裝，johnny果然不負眾望，兩手fingfing零負重登場，個Look猶如落街食早餐咁岩撞到一樣，如此輕裝都仲可以配備到指甲鉗咁刁轉既裝備…佩服佩服＝＿＝
 
＠好啦，鏡頭一轉隊員經已身處清水灣二灘，開始順時針綑邊行程，ｍｍ指數裂口低開，行到沙灘尾都搵唔到支持位。  
＠由二號灘綑至初號灘，路過一小型海洞。  
 
＠由於未夠熱唔想落水住，中段可自行加插非必要攀爬，離水面兩米幾有ｄ壓力架。
 
＠好快到達一灘，灘尾岩岸設了一條生秀鐵橋，隨時上影力王級血醒場面，秀鐵斷裂貫穿全身之可能，搏唔過呀＝＿\＝   
＠再黎路過一石灘，灘後有一群老外聚居，此灘已近乎於他們的私人沙灘。繼續沿岸邊推進，在岩岸回望可得一高尖挺拔的釣魚翁。  
 
＠轉出大環頭角不久出現局落水位，在一個隱蔽海洞旁開始涉水，哇越行越深水就上到腰，好涼！
 
＠今日ｄ水真係超清，最後大家都忍唔止黎一個全身暑假。
  
＠久違了半年的爛鬼珊瑚。
  
＠浮潛左成廿米先有位可以上返岸，之後再路過一小石灘。
 
 
＠半路被一礁石吸引了出去，在礁石上向前行一步就直落四米深，無數魚群游過∼雖然出色，亦記起了大海無量的恐懼＝＿＝０８第一撻!!
 
＠續行遇上了一道極高石隙要小心應付，錯腳fall落去既話，應會被兩邊牆瘋狂反彈磨到爛哂再落底被海浪捲走。
  
＠又一極佳天然撻水高台，水深三米幾任撻唔嬲∼荒廢左半年，撻水技大不如前…
 
＠說時遲那時快，經已到左今日既尾聲兼主打「石環洞」，另外Ｙ洞的入口就在腳邊。聞說上次落探員到訪時此洞捲起三呎白浪，相比今日既情況實在係大好∼！
 
＠估唔到黎到石環洞口會再黎多個前無去路，高台跳水啦唔好等∼！
 
＠左邊黑暗Ｙ洞，右邊石環洞。先直擊要害玩左石環先，在洞外石脊放低哂行裝準備潛入。
  
＠石脊右邊有小通道去到洞口，下水位塞人中，呆站在石隙中被蚊蟲瘋狂襲擊。
  
＠從外面經已可以見到上下兩層的入口，聞說水漲之時可以直接由外面爬到第二層，今日潮退黎講就乖乖地由下層進入啦。
＠落水游去入口吧，一離開左陽光ｄ海水就超凍，失溫到瘋狂打電報相機都揸唔穩！   
＠入到洞內都尚要涉水，水漲黎玩有可能變潛水洞刺激２０倍，漆黑的環境令能見度得返１０％。抬頭一望石環，竟發現二樓set左條繩落黎，正所謂前人種樹後人乘涼，繩都set埋唔通唔玩呀！？
 
＠檢查過條繩ｏｋ新淨，GOGOGO∼當然如果條繩下面咁靚仔，上面就爛哂既話都無野好講既＝＿＝
  
＠阿棠優先試攀，前方岩壁完全零手腳位，靠哂條繩，一步一步踩繩圈上，只要信！最大問題就只餘下控制住身體既擺動，以防撞牆。隊員逐個跟隊穿環而上，最後五人攀至閣樓，行動大成功∼！  
＠二樓望海觀景台，旁邊仲發現疑是鐘乳石物體＝＿＝！？
 
＠離開時發現繩索綁住石環果個受力位開始有ｄ披口，嗯…下次黎唔係新繩都唔好制…
  ＠完成攀登石環行動合照一個極速撤退，就黎凍ｑ死啦頂！！
 
＠湧返去洞口石脊黏石吸收地熱，呼∼Rebody∼  
＠攤左一輪當體溫稍有起色之時，又係時候搞埋隔離的ｙ洞。傳說此洞可以一路深入數十米，難得黎到當然都要一探既。 
＠好好，全隊都無搭載照明裝備，沿水道向黑暗盡頭前進，恐懼與能見度成反比，去到零視野之前剛剛好去到ｙ洞的分叉位，精神度經已去到崩潰邊緣，掙扎一輪決定放棄∼！好黑好恐怖呀頂！！正想撤退之時尸浪一陣一陣湧入黎，係咁推我地入ｙ洞，好Ｒ呀死抓住牆唔放，等無咁大浪即刻一湧而出逃脫＝＿\＝
 
＠玩哂Ｙ洞同石環洞今日都夠哂皮，係時候閃人。  
＠退路十分之方便，過石環洞後行多幾步就可以沿山坡上行回到大路，輕鬆∼石環洞絕對可以大隊再臨，下次可以由大雞坑起步綑返過黎，補完呢頭海岸線∼  
＠最後出燒烤場淋個靚浴食串魚蛋閃人，係咁。
相關於記：
2008年5月4日 |
