|
＠小巴入布袋澳村，搵返２年前載過我地去青洲既張記叔叔啦，想當年佢開錯價話三百孤伶伶來回接送我地去青洲，寧願俾老婆扭耳仔都唔改返個價，確係一諾千金既真漢子！今次無法唔幫襯返佢，佢竟然都仲記得我地，相信開錯價一事都令佢被老婆周左一鑊金ＸＤ
 
 
＠分兩船超載開出，極隱秘地一路Keep住岸邊推進，阿叔話啲水警好鍾意突然唔知邊度鼠出黎，俾佢捉到一個超載盛惠二仟。
  
＠遊艇碼頭外面登陸，快艇要回頭車第二轉。第一梯隊見到個海清成咁經已要優先試水一hit。發現今日啲海水凍到澗水咁款，睇落平靜既海面仲暗藏奇異亂流，游起黎好費力＝＿\＝
 
＠牛一燒與青洲。佢老母專登黎陪佢綑邊賀牛一架，真係母女情深。
 
＠第二梯隊到著，好少見既１１人大隊綑邊，差唔多全船出席。  
＠轉個靚彎到達兇案現場，牛一燒既wp60壯烈地戰死，眾人睇住佢起老燒腳邊慢慢漏走，再沉落深海亦救助無門，泳綑最痛莫過於此。
岸上既隊員只可以對住部相機致敬，安心上路啦∼
＠深海老化龍虎榜：永遠的第一位：叻BB１部DSLR沒於破邊洲，現Abis老燒並列第二把交椅，Abis１部ｏ記沒於西灣、燒１部Pentax沒於寶鏡，比起Abis可謂死得其所。（資料有遺漏請指正）  
 
＠接受左殘酷既現實繼續上路。話雖久疏戰陣，但爛船都有三根釘，各隊員都自動自覺兵分水陸二路推進。阿鬼泳術大有進境，竟然帶頭搶灘。  
＠一路都極多局落水位，但水清浪靜，眾人都使出獨門招式跳水。落探員既自選動作為新研發既直直Bur Get…
  ＠人極齊~
 
＠大家唔為意既時候，心雄競借啲二話果面發現左個大姑隆走左去胡亂攀爬，眾人俾個Dislike佢!
 
＠其實不遠處已有更佳既橫攀路線，垂直海崖加深水，全完係Deep water soloing既完美格局，落燒師太經已先攀為敬。  
＠轉角crux位，一眾隊員先後放棄。型左一hit先唔好講笑，Pump手都唔理，好任性咁完全信任右手位加右腳推牆，左手伸盡攞到石隙中既隱藏手位，完事，過左Crux位就可以玩多八九米橫移，讚架∼
 
＠A貨費林。
 
  
＠高潮浪接浪，去到大象吸水洞外，除左有合家歡路線俾大家輕鬆練習下之外…  
  
＠橫攀到盡竟然出現終極完美既overhand手位，容許使出單吊、Heel Hook等所有浮誇技之可能！  
＠兩點幾，一半路程都未有∼讚∼！大象吸水洞外，象鼻(!?)上大休午個靚餐。
  ＠誰是阿叔競 猜遊戲，知道答案既朋友可以email到永遠唔會有人回覆既網站電郵信箱，頭三名答對既朋友可獨得賊幣1000大元。
 
＠大象吸水洞，格局同破邊孖洞有啲似，洞外仲有Powerful岩壁。
 
＠下半場再動。
  
＠阿鬼跳水新高！成米幾兩米！  
＠為左增加存在感，Abis在那邊以身犯險。
 
＠大象吸水全景∼  
 
＠奪寶計劃，岸邊搵個陰位埋藏哂啲行裝。草坡覓路上攀，烈日登山巧星苦呀∼∼登上山脊後可遠望到後半段海岸的狗尾洞。
 
＠一圓寶鏡夢，落探員大感動。  
＠一生一會！寶鏡攻頂大成功！  
＠山頂景觀：青洲果洲。
 
＠細心既阿棠做到野！預備左冰菠蘿！！但食埋冰就要原路撤回岸邊繼續行程啦orz
 
＠完全OVERHEAT，要即刻落水降溫先掂。
 
＠大氹一系列１９洞。
  ＠狗尾洞，外面都幾樣衰，但傳說中內藏鐘乳岩洞架。擦下鞋先，話說李老豆有份發現架，好威∼
 
 
＠行程後段天色變暗，一眾隊員都無心戀戰，加上遇到太多局落水位，不斷上水落水消耗左好多體力，決定唔上水就咁一野游到去鐵砧石算９數。中途都見到有啲壁位好似幾好玩，但時間關係唯有留待下次啦∼
  
＠就快到鐵砧石，呢個位老燒同競競沿壁上路橫移，極高…但兩條友話ＯＫ…於是我同阿落跟隊，上左去有個位要跨出去，雖然有個靚手位，但下面極淺水！儲氣試左幾HIT都係跨唔出果一小步，笠左水，退返落去行水路算數＝＿＝
 
＠水路都唔係好野，呢條水道佈滿左水雷，對抗水流既同時要好小心咁避開啲海膽，一個唔覺意中幾針都在所難免。
 
＠陸路水路都一樣咁醜樣，接近佛堂門風浪漸大，加上呢個時間游艇回航，啲船尾浪加埋岸邊礁石極之難搞！
 
＠鐵砧！體力耗盡既隊員，登上鐵砧已經無心攀玩，只係為左稍為休息一下…  
＠抖左一輪，決定將隊員趕離鐵砧石，應該游埋最後呢野就ｋｏ架啦，但竟然最後先出現狀況，後勁不繼既阿鬼被啲船尾浪拋黎拋去扣左９成體力，上岸既時候跣腳被蠔殼界爆腳血如潮水＝＿＝無計，終點前都衝唔到線，要Call返張記求救，直航回到起點…
 
 
＠其餘隊員繼續，轉個靚彎就可以突入高球場完事，仲如入無人之境大搖大擺由正門行返出黎，可惡。
 
＠鏡頭一轉經已起布袋澳集合返，後續活動除左有飯局之外，仲有將軍澳醫院縫針活動，Happy＝＿\＝
2011年7月9日 |
