|
＠話說鹿洲之旅已被落探員及老殿挑釁多次，但要面對無量外海泳渡近百米既距離確實係令人難以下定決心一闖＝＿\＝
＠十點中環碼頭會合，估唔到一向準時既殿後會同＋１仁哥仔雙雙遲到，先放棄隊員一hit啦，miss左班船既老殿唯有搭另一班開往榕樹灣既渡輪，追龍至鹿洲村泳渡起點會合啦∼
 
＠大半個鐘既船程先行隊伍到達南丫島索罟灣，大路前往鹿洲村。
  
＠早到完全無著數可言，先係遇上香港唯一一隻香港黑熊…
 
＠熊口餘生之後到達鹿洲村都仲要呆等追龍隊伍個幾鐘…追龍既殿後完全無擔心過先發隊伍，起榕樹灣獵影漫遊死魚都精研埋先捨得死過黎＝＿\＝
 
 
＠到遠天后廟呆等之際除左睏個靚覺，仲可以參觀一下鹿洲村，村入面有兩三間精緻屋仔，其中一間庭園內更放滿許多木製的手工藝品，盡顯生活閒情，確係退休養老既好地方。
 
＠睏左幾覺老殿同仁哥仔終於黎到，1230…終於人齊可以開始泳渡島洲之旅。行兩步過海邊，望下對面岸…咁遠咁既好似！？又驚湧又驚有船輾過…真係越黎越怕死＝＿＝
 
＠最後要由老殿領軍先跳海一記壯壯膽先掂。約一百米既泳程…唔算長但都不敢怡慢，漫游五分鐘終於都登陸鹿洲。
 
＠全員上岸無耐就傳一陣異獸既叫聲，望一望發現有三頭小否起石灘度邊走邊睥住我地，原來我地經已入侵左鹿洲狗既領土，呢三隻野都算威，可以住哂成個島，起旁邊發現左佢地雪屋型既糧倉＝＿\＝
 
＠跟住逃走中既小狗開始順時針綑邊，小綑一段都唔見有明顯登頂既路，於是求其搵一個疏少少既位就直線爆上去，草率既決定換來惡果，打林開路都唔止，仲要係玩８０度碎泥坡。
 
＠好唔容易上到脊都仲要穿過一大片半腰高既草叢，最後先搵到隱約的路丕登頂＝＿＝呢個時候仲見到有一道大岩脈一路引就去西岸，觀察一輪後覺得一陣可以起呢度撤退。
 
＠直線登鹿洲頂，竟然有驚喜，全無預計之下發現一條二百年前既絕版標高柱！山頂景觀良好，好可以鳥瞰鹿洲全島同埋對岸既鹿洲村漁排∼
 
＠打一段林仔都疲到咁，真係老喇∼山頂就地大休一記食西瓜∼！山頂大休左成個鐘，涼風送爽真係舒服到唔想走…
 
＠離開山頂回到剛剛發現的石脈，輕鬆下攀回到海邊石灘，早知頭先唔使鏟林鏟到狗咁＝＿\＝
 
 
＠繼續逆綑，精華段盡在北至東岸，再起步經已遇到難關，除非你有仁哥仔抱石既功力，唔係既話落水游過去係唯一既選擇。一波未平一波又起，阿仁一馬當先，試著跟隊但全數挫羽而歸＝＿＝
  
＠接下來都不斷有挑戰性既攀爬位出現。
 
＠巨石塔，唔驚死可以沿石隙上攀。旁邊還有一塊波板，老殿見狀突然失控以為可以無視重力跑上去＝＿\＝
 
＠被一兩米高的斷壁阻擋了去路，老殿在近牆較矮位置一躍而下ko了，何其瀟灑，但眼看躍下之位置看似佈滿了青苔般濕滑，確係其足下Slider Rubber沒甚信心=_=，觀察良久決定另覓出路，終於搵到個裂隙位使出直角翻身下降！好玩呀！
 
＠去到東岸轉角位盡處，全員泳渡一登龍船排之必要啦。
  
＠ａ先生同阿仁分別試跳六米高台，睇到都驚＝＿＝
 
＠過埋龍船排之後路線回歸平淡，慢步回到起點完成全綑鹿洲。
 
＠五件海洋垃圾又龜咁漂浮返過鹿洲村。由於時間尚早，決定加料回程取道鹿洲山東岸。
 
＠鹿洲山東岸初段十分之userfriendly，散步模式即可，但去到半程果時面前出現一小型海洞！
 
＠打後連住一系列海崖，驟眼睇完全係無路可走既格局，但細心觀察下竟然發現半壁?移既可行性！起失敗只會墮海既情況之下無可能唔挑機一記啦！
  
＠攀落發現此段橫移比之頭洲更具趣味及挑戰性，橫攀半程發現前無去路之際可以試下在水中探索，隱藏踏腳位可助你渡過一關，但戲玉都係橫移終點脫逃位，絕對係挑戰技術同臂力既極限，墮海率達７５％＝＿＝
 
＠完成橫移以後至到完場都係小菜一碟，跑邊都完全唔係問題，好快就可以到達廢礦場範圍。
 
 
＠由鐵絲網外見到入面有個十分畫意既紅毛草甸，加埋夕照人工湖，我諗納袙海都不過如此。
 
 
＠最後過廢礦場後亂入左水泥工廠，工廠阿叔好好人咁借左條喉俾我地沖個靚涼先慢慢返出去搭船閃人。
2007年9月19日 |
