|
M-10: 婆繆峰 M-09: 四姑娘三峰 M-08: 尖子山 M-07: 駱駝峰
|
M-06: 雀兒山 M-05: 尖子山巴朗山 M-04: 二峰康巴 M-03: 奧太娜 M-02: 日本八岳 M-01: 四姑娘山 M-00: 雲蒙冰瀑 |
雅安附近有個上里古鎮，反正路過，去遊遊。
古鎮附近有一所韓家大宅，是古時官宦人家的府第，重有Ｄ後人往係度，也有其他外姓人在此長居，古宅仍有人居往，好有生氣。
大宅雖破舊，但從細節上的雕琢，可以想象全盛時期大宅的輝煌。
宅外阡陌交錯，沃野千里。
幾喜歡有人氣有生活氣息的古宅，仍有生命力。有時為左保護Ｄ建築，趕晒 D 人走，軀殼好完整保存左，卻缺少了靈魂。
行前一點，有個文峰塔，古代文人惜字焚紙的地方。附近有家小食店，果煲麻辣，煲左幾個月，菇菇滾一滾，教主都企唔穩 !
再向前行，就係真正的上里古鎮，有Ｄ似鳳凰城，商業味較濃。
小寶買左Ｄ唔知乜Ｑ野請我食。點食架？試過幾種食法，都唔多似。點知轉過頭，小寶話聽錯左，原來這東西是用來洗臉的。= _\='' 跟往小寶請我食燒麻雀，幾…得意。
真係好似鳳凰城，但係上里Ｄ水清潔度 200 ，遠睇落誇啦啦，近睇，小…
怒瞓長程車回到成都，放下戰匣去食野。B 哥非常熱情請我食兔頭，好好食架喎，一野放落我隻手度。夾往隻賓尼兔門牙，吞左下口水，試左幾啖，食左一半，和賓尼兔的舌頭和牙齒打左陣車輪轉，都係頂唔順，放低左，叫做試過啦。
路邊的虎符，可以使出傳說中的無天劍虎訣。去食地獄火煱，啱晒我脾胃。
去到機場，大排長龍。別過山東朋友後去跟隊，要好小心Ｄ打尖的假身，Ｄ插水幾靚。
排左好耐，到我寄倉時Y 頂，無我紀錄!? 時間無多，跑去揾航空公司，揾左一倫先揾到，原來改左班機，頂!! 點做野架，無時間小佢。即走。
順利上到機，坐正緊急出口隔離，拉過制就可以在幾萬呎高空開門睇真．風景架啦。一坐下，空中少男好認真向我說了兩次不要拉制。我係賊船，不是拆船，放心啦。 下機上機場車，車門前竟然有個小妹妹蹲下小解。=_=” 左轉右轉係咁轉車，終於返到屋企，立即沖涼洗頭，洗頭流出 d 水係濃稠的墨汁。檢視今次旅行的支出，可以用身中破軍?招來形容﹕殺 ! 破 ! 囊 !
回到城市後，身型照例瘦左一個碼，個咀爆左，塊臉爛左，雀斑多左，最麻煩係ｄ腳趾，痛到行路彈下彈下，成兩星期先叫做行得正常。同 D 賊人打老邊睇相，係咁被寸影自拍照。癲架，自己一個人旅行，唔通唔幫自己影相呀 ?! 咁都寸 ? 個腦食屎架 ? 同我食晒 d 肥牛佢 !
後話﹕ 是次登不成駱駝峰，再一次登頂不成，不禁有點沮喪。老天給我一座最佳狀態的二峰，攀至我半死，是存心戲弄 ? 還是待我不薄 ? 攀山是一件好辛苦的玩意，有時真的深感自討苦吃，自作其孽。 繁重的工作本身已經令我疲於奔命，重投讀海後排山倒海的功課，親朋和上司對我的熱切期望，對家人和伴侶的愧疚虧欠，還有攀山的艱苦歷練，俱教我身心力交悴。平衡和維持事業、學業、家庭、感情和攀山的發展，很是沉重，好比一塊厚實的鉛板，每一隻角都放滿鐵磚，卻不容落地，用一根幼柱，在鉛板下挺着，使鉛板保持平衡，角不墜地，維持着這平衡好不容易。 在社會工作了一段時間，到現在仍是一貧如洗，這些年來花在登山的錢，應該夠我給一個小小小小的首期。年紀漸長，一事無成，投入攀山得到的是黝黑的膚色、深刻的皺紋和遍身的傷痕。
感謝你，我仍堅持着
|
