|
M-10: 婆繆峰 M-09: 四姑娘三峰 M-08: 尖子山 M-07: 駱駝峰
|
M-06: 雀兒山 M-05: 尖子山巴朗山 M-04: 二峰康巴 M-03: 奧太娜 M-02: 日本八岳 M-01: 四姑娘山 M-00: 雲蒙冰瀑 |
在此感謝 kona 、 tao 、 ter 、 king 、 tong 、 noseven 的幫助。 ( 排名不分先後 ) 上一次登三峰不成，卻累積了一些經驗，攀山信心提昇，目標指向難度甚高的技術型山峰駱駝峰，卻再一次樂天知命。原定計劃實行到度達 -100%
出發當日早機，本應凌晨出發去機場。但出發前一晚要返工開長命會，仲要返半宵。咁就順勢攞埋 d 行李返工，放工後即北上。 同事對我個大包好有性趣，倫往嚟試，又要影相，又要擺 post ，十蚊位排隊 Y 唔該。
開完會，繼續返工到凌晨 3 點。放工等 N 車落馬過關，釣緊大魚，無啦啦有人叫我「師兄」。「師兄」抬頭一望是兩位健碩的行山大叔，我唔識架喎。佢地問我去邊呀錦鋰，錦鋰係魚嚟架錦鋰，就係咁寒暄左陣就上車。 新年前夕的落馬皇岡水靜鵝飛。去機場比的士司機玩左一 hit ，叫佢去機場，竟然反問邊個機場，係咪廣州機場，玩野呀。
去到機場，關晒大燈，仲要鎖晒 D 行李車， Y 頂 !!! 我要推車呀 !!!!
周圍行吓，見到有幾排櫈，幾隻人或坐或睡，我就揀個睡到死左的 MM 中女對面坐低釣魚等周武王。
|
