|
M-09: 四姑娘三峰 M-08: 尖子山 M-07: 駱駝峰
|
M-06: 雀兒山 M-05: 尖子山巴朗山 M-04: 二峰康巴 M-03: 奧太娜 M-02: 日本八岳 M-01: 四姑娘山 M-00: 雲蒙冰瀑 |
前言 眾賊人使出一貫大安旨意技，出發前兩星前先有所覺悟，但都係懶懶閒咁約出黎買野、傾行程，實際上全程由dino獨力策劃，大家都係信得過癲哥哥啫^o^，就係咁草草籌備左幾日就出發lu 。 第一日 <廣州東>
因為坐早機，仲要係由廣州起飛到成都，怕年二十九同北上大軍迫車迫過關，所以早一晚出發，先去samsung姑媽屋企借宿一宵。 約定晚上６點半紅磡火車站等，搭７點火車到廣州。結果只有癲佬及威準時到。都係個好開始！！！癲佬背包極重極大，揹上身會唔見左癲佬…行去火車站時已差Ｄ心臟爆裂，更引得路人指點。火車站人齊集合後，更獲得九廣最高榮譽注目禮，齊齊黎個背面照先。 入到候車室時點算物資，特倫Ｃ完全無買佢負責的登山食物，第一宗罪… 到達廣州東火車站，受Sam神姑媽熱情招待，引領乘廣州地鐵，一出閘姑媽就以時速６Ｋ前行，超負重下各人唯有死跟，追到粒聲都出唔到，眾賊黎個未出發先興奮。 
安頓好ｄ行李，姑媽本想豪華招待，但因為夜己深，酒樓關了門，轉戰橫街地道蘭州牛肉面，好食。
返到姑媽屋企，samsung開始分發各人的高山症藥，各人準備就緒，祈福黨做野，放係遠赴非洲工作的表弟相片下面先作祈福，順利進行古老神秘吞食儀式…
|
