M-08: 尖子山

M-07: 駱駝峰

M-06: 雀兒山

M-05: 尖子山巴朗山

M-04: 二峰康巴

M-03: 奧太娜

M-02: 日本八岳

M-01: 四姑娘山

凌晨出發，滿以為無冰無雪的谷位，上到去方知奶野。Fake左野勁，表面看是碎石河，原來是混合了大量碎石的堅冰，冰質硬到好似水泥咁，feel到同望到腳下有d位係中空架。

個海景唔錯，d浪都幾大。照舊3人輪更一袋，咁梗係借d2就交比呀老三啦。

無敵海景，加個日出，正，可以玩偷渡系列，泳渡過去架，對面咪破邊囉，賊船玩過啦。

肉眼望到的這條疑似鉅大石河原來真係一條永久冰川，重暗藏大量陷阱。全新經驗，未遇過一條川冰係咁樣。冰質太硬而且混合了大量石塊，大的貨櫃車咁大，重要隨時會鬆脫。

細的有杏仁碎咁大，布滿起面。冰爪和冰斧難以穩定身形，又滑腳，又無乜位比手腳借力，而且冰石面上又竟然布滿冰裂縫。

天光了，時間和天氣都幾理想，背往靚海景上，滿以為應該好容易攻頂。

今次的路線和上次不同，在到達y口大斜坡前屈右上碎石崖坡，我們研究過這條路線較穩陣，起碼前人都行條。資料所記，這條應該就是第二條冰川，天氣關係收晒身。

重奇怪點解座山評價咁難咁險，自己又唔覺，點知越上越險，成個崖d石都係散，好似呀威咁風脆，信唔過，一失手就88。好小心咁上，上昇速度急降，精研返斜對面上次我和tao上的路線。

上次去到個y口位攀右壁上埋去就退，重比陝西衛視在鏡頭前指指點點。我們抄路避開第二條冰川。望到山頂的永久冰川，好遠，重有排上。

上來段路真係好碎好爛好斜好直，上攀過程真係好劣，劣到呼吸唔到，因為鼻哥龍無晒肉。

到了山頂冰川，在岩石上打粒妙極MEGA 釘，穩好身形架生，執野出發。老三留低唔上，有需要先作支援。我和老七放低d野，帶綑30m繩，兩粒冰釘，小量扣和tape類架生，一支500ml水等最基本野，出發攻頂，

本來兩人link up咁上，上左唔夠5分鐘，老嗌晒腳痛，著唔慣double boot喎，跟往攀返落去換對解放鞋，即刻無事。佢攀冰川側的碎岩上，話起上面會合，跟往在岩石上消失左….. 我們默契真係高，互信到呢。所以呢，我攀頭果幾百幾米冰壁係solo架，重越上越斜。

山頂的冰川好似一頂帽蓋在山頂，頭緩中斜尾緩，在尚有廿米左右可以安全站在山脊上，老七終於已經到左山脊，重拋條rope比我。上到山脊已接近頂峰。

最後攻頂路，我們交替做保護點前進。由於約70-85度，不是直壁，大家見能力範圍，就咁Ａ往，收繩belay都冇做。當然有人會批評，一出事條繩會承受FALLFACTOR2的衝擊，不過在非直壁下FALL的衝力又不同於直壁。點都好，我建議大家跟返足套技術的步驟和要求做。

發現自己set野越來越求其。另一個角度講就係，在花最小功夫和時間下set好個安全度未必最高但係比最高低小小的system，個樣就那西Ｄ，冰釘落一柆，Ｄ tape反晒又唔理。

要SET一個完整和靚仔的SYSTEM，可能要用上多一倍時間，和咩多一倍以上架生。宜家花最小功夫和時間，爭取到更多的安全的條件，速度機動時間體力精神等等。性價比好Ｄ嘛∼

當然帶咁小水和架生，就等於把自己放起危險位置。1人帶2L水攻頂(用好重的保�鈳�)，好夠水飲，但體力和速度因負重而令你置於不安全，出事卻會有多D資源保命。2人帶半L水(用硬膠壺)攻頂，水剛夠飲，但體力和速度因輕磅而令你安全多一點，出事你又會少左D活命資產。

想安全就梗係咩多Ｄ，以前去八岳訓就帶了太多架生，繩都咩多半條，tape一大咋，扣一堆，結果體力透支。想起一句說話﹕帶緊急露宿袋的人，通常都會緊急露宿。

平衡風險啦，我都唔係成日咁求其，睇下咩環境，拍咩人，咩狀態。話晒宋老三在雪線位等緊，有乜事佢都支援到。當然在專業教練或重視標準技術的玩家眼中係唔合格和異端，而我亦唔建議咁玩。

去到冰川最高點，滿以為係尖山子最高點，原來唔係。翻過冰川最高點落少少有一堆亂石頂，該位置先係最高。隻手錶的誤差真係幾準。

2007年10月14日中午1時，成功登上5472米的尖山子，成為香港人首登。(有錯請指證)

尖山子又名尖山子，2005年9月28日 由國內登山家王冰首登

我們今次就係跟王冰登尖山子的路線，環顧四周，想起上來d碎石鬆岩陡坡峭壁，真心擔心點落去。

雙橋溝好難見到個山型。尖山子不是金字塔型，不是薄刀型，更不是竹筍型，個人覺得似一舊變左型的三角朱古力。

起程返去，見到一對雪套半埋在雪中。對雪套就係王冰先生登頂後埋在頂上留念的，咁都吹唔走。

Link up下山，天時地利人和皆合做就今次成功登頂，中肯講句，這座山不容易。

尖子山的副峰，資料不詳，但睇得出唔係好野，唔係好惹。

最艱難最危險的碎石崖，站著下望，神眼抽了一口涼氣，R到屎忽窿無肉。

有幾險就一言難盡，我就驚到打了好多封長長的電報，幾次差d 碌落山，要不停向上望驚落石，又試過4,5塊呀公加老燒咁大舊的大石在身邊一寸位滾過。總之大家都無咩表情無咩講。返到bc，大家崩緊的神經先可以放鬆。

收皮la，毛都收埋la。回到bc，我緊張的膀胱終於可以放鬆放水。老七介紹返佢落黎時有個hold鬆左，失了平衡想fall之?，佢即刻用口咬往一舊尖石爭到半秒比佢穩返重心，幸保小命。當時大家太緊張，所以佢先無講。吹吹下，天色已黃昏。

執野返歸，身體看來適應得不錯，負重落山竟然和老七老三一樣速度，用左2個鐘黑夜衝落雙橋溝乘車走人。我和老七都係第一次登頂，重要兩日搞掂尖山子，返到老七家即刻大食慶祝。

食完老七提議話明天上埋三峰，我雖有點�ョA但都ok架，就咁傾掂。其實今次香港首登(有錯請指證)，係因為香港高手無來攀這座，香港D高手通常去北美歐洲尼泊以西藏日本韓國，咁我先至執到個首登而已。本人攀完尖山子後的結論係﹕1.我不會再攀此山，太冒險；2.此山將來如多左人去攀的話好大機會發生嚴重山難。