|
M-10: 婆繆峰 M-09: 四姑娘三峰 M-08: 尖子山 M-07: 駱駝峰
|
M-06: 雀兒山 M-05: 尖子山巴朗山 M-04: 二峰康巴 M-03: 奧太娜 M-02: 日本八岳 M-01: 四姑娘山 M-00: 雲蒙冰瀑 |
MAX天呀，重要高清。這個角度東峰感覺高過西峰好多。
見到max天但係又見到雲海，見到雲海同時又望到群山，可遇不可求。
周圍搵下馬，可能ｄ馬自己落左BC附近食草。咁只好自己咩返落山，都OK，係行慢ｄ啫，今日好多時間，而且我想行慢ｄ欣賞風景。
途中遇到兩個放牛採藥的藏民，休息一陣吹水，這個時候老三使出比木遁秘術更強的術﹕屎遁。屎左上石河到施術。ｄ低雲散左，順光下山水ｄ色好靚。
休到咁上下再出發，落落下聽到老七老三大叫然後向路邊跑過去。
原來佢地見到ｄ馬即刻走去捉返住，過左幾個字，佢地帶返ｄ馬返來。
行李就交返比馬大哥，我就輕鬆下山，真係好好天呀好好天呀好好天呀。
好靚呀好靚呀好靚呀好靚呀…我唔知講咩好。
秋高氣爽，山頭叢林天空，有齊紅橙黃綠青藍欠隻紫咋。
人的眼晴真係好神奇，好多動物只係見到黑白灰，而我們的隻眸卻可以解讀萬種以上顏色，看到色彩豐富的世界。
差唔多到山腳，雖然旅程中又冇gas又走馬，上唔到東峰和羊滿台，但整體而言一切都好順利完滿。
ｄ植物靚到我不自制地狂拍。長坪溝來到駱駝峰前向西一拐，轉過靚彎，大奔走向西。
己經落到BC，好多垃圾，西面好似叫叉子溝定畢棚溝，唔記得左。傳統登駱駱的路線最快要6日，第1日BC﹐第2日C1，第3日C2，第4日攻頂回C2。
第5日C2回BC，第6日BC回 日隆，如果要高度識應又加多一兩日。現在用左4日，如果唔係塞翁失馬，3日搞掂，抵玩啦。
龜石，幾神似，龜頭昂首向天，好雄偉。
水打霸，木騾子真係好靚，我夠膽講句，四姑娘三溝入面，以水打霸，木騾子景色最正。期望如此美景幾年後仍舊美好，我唔想將來再來水打霸時見到水上有大量汽水樽和油污漂浮。
大路回家，婆繆尖到拮親對眼。
陌上漫走，秋意甚濃，如若停詩間。細路，唔好以為自己好天真好傻就可以偷食，偷食都要跟隊架，等我教你用丹田氣講一次。 小結﹕
|
