|
M-08: 尖子山 M-07: 駱駝峰 M-06: 雀兒山 M-05: 尖子山巴朗山 M-04: 二峰康巴 M-03: 奧太娜 M-02: 日本八岳 M-01: 四姑娘山 |
M-00: 雲蒙冰瀑 |
無睏過，凌晨4:30起身。天光前出發，最初一段冰川40至60度，不用連結和保護都OK，可行快一點。
冰雪質地比想像中硬身，但問題不大。用德式或法式技術都適合，我就兩種都用下，等ｄ肌肉可以平均地用力。
日出好靚，有日光個景靚好多，個人暖ｄ動作體力都好ｄ，不過陽光太好卻又會增加雪崩風險。途中暖水壼斷帶跌爛左，無暖水飲了。
向下望無遮無擋，一FALL應該可以做得切制動，但前題係唔好撞到ｄ大石和掉入冰裂縫。即係話最好唔好FALL in凹。
回望東峰，東峰前的雪地就係傳統的C2，由這個位直接攻頂真係多快好省。向前望係假頂下的岩石，要繞過去。
東峰出來啦，其實東峰係低西峰小小，但論難度係東峰難ｄ。時間好理想，應該可以按計劃登完西峰再返來登東峰。
向下望，越來越斜。心理作用有時反而會令本來唔危險的位置變成危險。例如依ｄ位如果個心一怯就好易奶野。
所以超連結有時係心理作用大個實際，透過安全感提升增加動作和技術的穩定水平，令大家更安全。當然LINKUP實際亦都真係安全左。
到左假頂和西峰之間的雪簷位，大霧使腳下保持硬雪堅冰，卻影響了視野。向後望是假頂，由於假頂在主峰旁低少少，大霧時令登山者以為係主峰故名假頂。向前望係西峰，宋老三雖然技術普通但體力驚人，用體力彌補一切問題。
所以我和老七咩左個袋一陣就交左比佢咩。
到達主峰底下的岩石，石紋頗細，著冰爪攀不容易。不著冰爪，大霧下石面結左一層厚厚的硬霜，又無法攀登。剛才就想天陰，現在就想出太陽溶左層雪霜。
望返假頂，冰川一瀉而下，好宏偉，可以想象當日山難，冰川弱線斷開時，雪崩一頃轟下的破壞力。依一刻無野做，咁大家就座低食野吹水，和研究下上攀路線。見到藍天，ｄ雪霜溶左可以做野。
現在位置距頂峰幾十米，周圍找安全上攀路線，時值早上9點。
一倫攀爬後，終於到頂啦，一堆巨石叠砌的頂峰，隻錶誤差得好準。2007年10月11早上10點登頂5480米的駱駝峰主峰。疑似係香港人首登，未能證實，有冇人可以幫我查證下。
奇怪地見唔到中國人的登山傳統習慣﹕馬尼堆。咁我們就在最高的石上擺一個靚堆，應該捱到幾個鐘。山頂HEA一陣，上駐清香拜一拜老七兄長就離開。
出陽光，個人暖返晒，直望晒假頂和東峰，發癲咁狂影。由於最後幾十米花了很多時間望天打掛，現在去東峰時間已經好緊張，而且登東峰宜天陰，現在太陽伯伯一出，冰雪岩變得好唔穩定，落石嚴重。
去唔到東峰了，算啦。輕鬆下撤，北面打晒霧，南面就晒駱駝。
出太陽後，面層ｄ雪林左好多。C2個位景一流，攻頂方便，不過好食風而且暴露在落石下。
計一計時間，足夠天黑前返落BC，天黑前去到木騾子，然後夜行長坪溝返日隆晚飯，咁就3日搞掂。如無意外。
返到我們的C2，好Q多落石。
執野食LUNCH，要望往冰川食，否則加餸事小，後腦開花事大。
落C1，這個角度望返駱駝，座山好似好矮好容易。駱駝峰得名由來好明顯因為東西二峰好似駱駝背上兩個駝峰，兩峰之間有永久冰川，中間的冰川運動做就了東西兩峰的氣勢。
西峰、東峰、羊滿台。影ｄ大相返去研究路線，羊滿台質地和東峰相似而且更爛更斜更難，落差又大，宜陰天寒凍但又唔可以有雪的天氣，較為安全。
望到C1，個天清到呢。現在進度今晚應該趕得切返房睇CCTV6的電影放映。
望到C1個紅營，遠望一點紅，老七老三已經落到去，使唔使咁快呀。
這個角度望駱駝又係另一種景致。之前提過，如無意外今晚返到去睇電視。但意外出現啦，到左C1，發現馬兒不見了，周圍搵左好耐都找唔到，無馬要自己咩野落山和咩返出日隆，咁就凌晨都返唔到去啦。而且不見左馬仔都要搵返架。癲佬失馬，一仆一碌，馬都可以唔見，攀咁耐山第一次遇到。不過都正常，我係馬，日做夜做，有一日無人睇住重唔周圍走去玩去食草咩。
咁唯有在C1過一晚，無晒GAS煮野食，幸好附近有ｄ登山客亂丟的舊GAS罐，有少少氣，夠煮餐飯。有無敵山景，么妹峰，夕陽駱駝峰，彩雲，又唔使趕路，真係塞翁失馬，焉知非福。明天睏醒先再搵馬。 晚上向住火堆談天，大家談到男人對生小朋友的看法，談到老七哥哥，之後談到登山，原來老七自他兄長出事後就無再來駱駝峰，係因為和我Fｄ先肯來。多謝你。
|
