M-08: 尖子山

M-07: 駱駝峰

M-06: 雀兒山

M-05: 尖子山巴朗山

M-04: 二峰康巴

M-03: 奧太娜

M-02: 日本八岳

M-01: 四姑娘山

清晨早起，涼意很重，山嵐甚濃，霧鎖山頂。向貴州朋友討一點鹽，收執行李帶露起程。

經過BC和貴州朋友分別，就向C1進發，半山下望，曲折多情的長坪繞若靈蛇

路都幾斜，馬好勉強先上到，怒上左一段時間終於到左C1。在C1起一隻營，把部分東西放入去，計好要帶的物資，三個人分背上身就即日出發往C2。

今日目標係C2，計過BC直上C2無問題，體力應付到。上C2的初段岩石路加碎石為主，加埋上斜，行進不算快。

隱隱望到東面羊滿台的鉅大冰川和更鉅大的白霧。

望返長坪方向，天空好厚雲，雖然景色不太好，但可增加冰川穩定性，減低落石雪崩的機會。個袋好重，我們三個人重量平分，但我就用左一個攻頂用的小背包，入面全部細件卻重的架生，個攻頂包無乜背負系統可言，咩到我膊頭好�ョC

傳統C2位置在駱駝個鞍位近東峰的冰川上，攻頂距離較短。計一計進度，始終我們係起離傳統BC成兩個鐘位置開始殺去C2，天黑前正路應該重起冰川上攀緊，趕唔切日落前到鞍位。

到左冰舌位，現在上冰川，兩頭唔到岸，安全起見都係唔上冰川。

綠住冰川邊緣而上，找一個良好一點位置在此大休。點知見到兩個藏人身上繞�茪@大圈繩落黎，頂!比人食糊先，你班偷繩賊。

望羊滿台，唔見左隻羊。

望婆繆峰，唔見左呀婆。

位置起正冰川附近，雖然現在氣溫和雪況下雪崩機會不大，但都驚架。而且落石好勁好密，KEEP住咁黎。一有落石聲，我們即刻彈起望實冰川方向。

周圍都係碎岩斜坡而且都暴露在落石下，見個天重有排先入黑，我們在一塊大岩石下強行開闢了一塊小平地起營，靠塊大石護蔭，減低比石擊中機會。

在碎石上找位置起爐煮晚飯，準備明天攻頂的架生和物資，放晒落一個攻頂小背包內，明天三人輪住咩。今晚三人逼睡2人營。睏之前大家好認真商量過好冇帶頭盔睏。

成晚聽到ｄ零聲落石聲和一下子大量落石的落石聲，半夢半醒，太早睡和太逼，而且太精神睡不著，結果成晚眼光光。