M-08: 尖子山

M-07: 駱駝峰

M-06: 雀兒山

M-05: 尖子山巴朗山

M-04: 二峰康巴

M-03: 奧太娜

M-02: 日本八岳

M-01: 四姑娘山

貓仙人雖死猶生。今日由長坪溝進山，溝口的喇嘛寺進行復修，這是佢以前個樣。

行李放馬，老七和佢助手行馬道，我就拿對pole行棧道，枯樹灘會合。駱駝峰曾發生嚴重山難，老七的兄長，一位著名登山�鉧伝N係命喪於此。

事件經過 連結一 連結二
事後檢討 連結一

該次山難引起國內登山界非常大迴響，當時老七都有份搜索其兄屍首。所以今次登駱駝峰對老七而言係有好大心理壓力，始終他親哥就在此山出事。

好靚的婆繆山，國內數一數二的高難度山峰。我和老七打算遲ｄ試下挑機，狂影ｄ相返去研究。身體應該適應左高海拔有7至8成，走起來好輕鬆，可以用到?頻速度，和老七他們同?同速。

我們在士多享受了一個兩個幾鐘的午餐，食物就係一碗杯面，兩個moremore和大量清茶。吹水下，從老闆口中得知早前有韓國隊去登駱駝，在鞍位的冰川打下了成千米路繩直達西峰主峰頂，重要係硬繩，貴野喎!免暴殄天物，我們決定上去回收，好好善用。

路上無咩遊人，好舒服。嘩咁快就黎到木騾子，美不勝收的靚草地，露營一流。第一次黎時搞錯左以為依到係水打霸。

浴水而上，穿過森林和原野是多麼的逍遙，親愛的朋友呀你在想什麼。哦，我咪想�茤M看�茧n駱駝峰的路線囉。

太靚啦，綠蔭裡，草坡上，讓我胸襟一再展 ---同時間--- 大腸有，鼓躁動，要我走向大自然。

腳行得好快，但個心就好悠，時間過得好慢，大把時間咁。到了水打霸，其實係一塊河道中積水的草源，簡單得來真係好靚。回望么妹峰，一個擋晒三個家姐。

過了水打霸，可以更清楚望到駱駝峰和羊滿台。今次目標係登駱駝主峰西峰和副峰東峰和羊滿台。

再走前2小時左右，就是駱駝峰腳的傳統BC位置，但由於老七的兄長的遺體在運送時，曾於BC過了一夜，老七表示如在BC過夜感到極不舒服，所以我們改為這個位置起營。

正想煮食時發現帶唔夠gas。頂，我和老七言語誤會，出發前佢話佢有幾罐gas，叫我把gas拿出來，咁我自然地把自己帶來的gas拿出來不帶入山。但原來意思係佢有幾罐，我那幾罐gas可以拿出來交比佢。頂，總之就係唔夠gas，咁羊滿台去唔到，今劑齋騎駱駝。

跟手又發現無帶鹽。太有默契，出發前大家自動波執野無覆查一次之結果。點知過左陣有3個貴州朋友經過，他們玩穿越，目的地畢棚溝。陌路相逢，大家決定今晚一齊過夜和晚飯，而我們亦都解決左鹽的問題。帶牛仔帽那位就係七嫂個細佬宋老三，係老七助手，上次尖子山出過鏡架啦。

只是近黃昏兮，夕陽無限好矣。香港人的習慣係無份報紙在手係開唔到大，好似ｄ狗無橙柱唔肯柯咁，我都有這個習慣。唯有在山林中爆石時係欣賞下山峰的奇偉，會順少少。

想清楚路線多ｄ可望地圖。