M-08: 尖子山

M-07: 駱駝峰

M-06: 雀兒山

M-05: 尖子山巴朗山

M-04: 二峰康巴

M-03: 奧太娜

M-02: 日本八岳

M-01: 四姑娘山

多謝kona morning call和旅舍女職員溫柔的叫床服務，4:30起身執野，冷雨綿綿下出發。

頭班車無咩人，車票加左價，貴左好多。因為巴朗山路段封路未開，要行寶興，條路長左好多。

一路都係行返去巴朗方向，唔係去寶興咩? 去到一個公安路口，等左半個鐘，過得。奇怪，這個方向這條路都係行去巴朗山路架喎。唔係修路封左咩。

不知不覺又來到巴朗山口，遠睇景色依舊誇啦啦，但下面近睇ｄ工程飛沙走石，唔知整幾耐。原來巴朗山路雖然修路封左，但在指定時間仍可以給特定車輛有限度進出。咁當然又係要科水啦，所以車費才要瀑漲。

在應該重有1個小時車路到日隆的位置，ｄ車停晒起到。等左半個鐘，自顧看相時，突然有人叫我小姐，一時驚愕抬頭，眼前一位面善的藏人臉孔，是一位大嬸。佢介紹返原來前面封路，要等4小時才開封，大嬸坐面包車去到封路位再行上來兜客，廿蚊人仔落日隆。我和車上幾個乘客都欣然參與。但要行一段半小時左右的路返封路位唔容易，好彩其他乘客用行李車熱心幫忙，唔係個大袋就好麻煩。

介紹返佢地就係北京大叔，湛江情?，深圳朋友和一位香港青年。一路有傾有笑，位香港青年一聽到我一口流利的普通話，露出一副驚訝和難以置信的神情，重請教我國內的溝通技巧。一小面包車9人9行李極速下到日隆，原來位大嬸住老七附近，唔怪得咁眼熟。所以落車行幾步就到老七家。

洗衫掛洗執野。今晚我一個�堀怜狗讀甄糷H房，正。

老七小兒子，43日大，未改名。日隆這段時間天氣不錯，可以望到星夜呀希望明天順順利利。

晚安前，要傷感地向大家宣佈，貓仙人己經在數月前一個冷冷的夜晚與世長辭。知道這個消息真係好突然和傷感，再見了，貓仙人，一路順風。

奠