|
M-10: 婆繆峰 M-09: 四姑娘三峰 M-08: 尖子山 M-07: 駱駝峰
|
M-06: 雀兒山 M-05: 尖子山巴朗山 M-04: 二峰康巴 M-03: 奧太娜 M-02: 日本八岳 M-01: 四姑娘山 M-00: 雲蒙冰瀑 |
天未光就起身早餐，因為今日要一炮過炉霍返成都，真係唔敢想象要瞓幾多次先到。幾時中國人才做到先行其言。
一路上頗多阻滯，首先係公安封左條公路比佢地練跑。好想向他們伸出友誼之手 … 指。
然後係大量羊肉串引誘。跟手又因為整路引致大塞車，為免經濟倉候群，要落車郁下之炮獵影。  都唔知過左幾耐終於行得，中途見到田海子山，其中一座我想一登技術型山峰。
返到康定成 2:30 先 lunch ，康定返成都有排行。出發前，團友們買大量食物啤酒上車開 P ，做得好好。點知車上大談共產黨，歌功頌德，重話要向我進行愛國教育，又考我十大元帥係邊個。 Q 知咩，我答到一個咋。
12 點半返到成都，埋單結算 17 小時，釣到三條鯨魚。好耐之前和敢人 wade 旅行時在上海被無良人士賣豬仔，屈坐了 31 小時人蛇質素的巴士回深圳。 17 小時 ? 我當熱身咋，不過最好唔好啦。
小結﹕ 59XX 米知道不能再上要退的時候，若如冰水三千由百會衝入脊髓， 6 千止步，登頂不成的經驗我都算豐富。如果天要我每次頂峰前卻步，我 … 仍會堅持走我的巔路嗎 ? 第一次參加國內的商業登山隊，感覺是好貴，招呼周到，咩人都收。如果可以，我較喜歡請位响導小組式的登山。雀兒山之後的旅程仍未定案，心裡盤算著之後登那幾坐山。 欲知後事如何，請看下一個 MISSION 。
|
