|
M-08: 尖子山 M-07: 駱駝峰 M-06: 雀兒山 M-05: 尖子山巴朗山 M-04: 二峰康巴 M-03: 奧太娜 M-02: 日本八岳 M-01: 四姑娘山 |
M-00: 雲蒙冰瀑 |
瞓到頸痛，起身收拾細軟，好唔願意下食左半個即食面就出發返 BC 。
條路又爛，中間又多攀位，又孭住個大包，又冇 POLE ，又著對爛鞋，男人係依個時候，真係好需要吉擇明步﹕就係小心選擇明確的道路。雖然美景當前，但到湖畔緩坡前的漫長急降路，乏善足陳，悶途不贅。
曲水有情，曲水亦有礦，浸得多應該可以疴 D 金屬出黎，變做 X-MEN 的拍擋 ASS-MEN 。
穿荊過棘，一陣亂入後終於返到 BC ，有個喇嘛起到 R 水吹。
營地大姐一見我們回來，立即送上百事可樂，吸引喎，可惜我唔好軟性飲品。我第一時間梗係咬住個蘋果沖杯中老年高鈣奶嘆啦。
B 隊的一名團友高反上唔到，計一計起 BC 留左至少 3 日，痴左咩，做乜重唔送人去醫院，點做野架。
太沙塵，入廚房 LUNCH ，終於食返 D 人野啦。
滿以為今日在 BC 過夜，原來係今日即刻出山口搭車出巿區。頂，方唔係又係想節省成本，不過可以早出巿區沖過靚涼，都唔錯。這位大哥就係大廚，又係叫小王，國內登山界頗有名架。
回山口的路無乜上落，大包又不用自己咩，海拔又得果區區 4 千，行得好 EASY 。
嗡嘛呢叭咪哄己經完工，好豔麗，靚過好多香港山上面的字。
好似去左東南亞小島，或者外國海灘。
見到陽光與海灘，綑邊始動。
今次都係西側繞過去，馬兒行東邊。
海子的東西兩皆可走，但西邊只能走人，還要鑽樹林，運輸上幾唔方便。東邊則要翻到不算高的山上走，但可走馬。
去到獨木位，我們來得不及時，水漲 SHORTCUT 唔到，要繞過大圈行多 2K 幾的路。乜湖都會有潮汐架咩 ?
但一轉過去行一陣就覺得行多 2k 都值。
塞翁 suck 馬，繞過大圈卻可以欣賞正路難逢的美妙景色。
這裡的牛食 d 野咁天然和有機，唔知 d 肉好冇食呢，好想食肥牛呀。
她習慣向左走 , 牠習慣向右走 , 她們始終不相遇 …
一個蘋果，卻凝結了光影流逝的痕跡。
求其一個位殺返上公路離開了保護區，再由外面緣公路向山口方向行返過去，路邊有些民居，好多小朋友走了出來看熱鬧。
這兩個小可愛，跌跌碰碰走出來，一邊揮手一邊向我們說 byebyebyebye ，笑容惹人愛憐。可能他們平日太少見其他人了，一見陌生人經過就樂上半天，我相信 byebye 應該係以前路經的過客教他們的。
公路上食塵時，還奇怪竟看不到路上有垃圾之際，終於還是發現了，看來中國人還要更長的時間，可惜地球已經無乜時間。另一邊，過到 shortcut 位團位，路經一幫腐敗營，滿目瘡痍。見到咁多垃圾，意味山口近了。
山口成個巿集咁。和恩波和其他協作道別， 3 點左右我們就上車離開。而 b 隊高反團友亦終於可以去馬尼干戈醫院了。
本來以為坐一陣就返甘孜，點知過左甘孜都唔停，原來今晚去炉霍過夜，咁咪坐好耐 ? 响導話想大家可以早點回成都，說穿了，應該都係想減少一日交通日以減少支出。我無乜所謂，我係釣魚王，起架車通頂都得。
8:30 去到炉霍，好多酒店賓館都 full 晒，搞左好耐先搵到地方往，終於可以開飯，盛情難卻，飲少少啦。 晚上三個男一間二人房，少不了小吓這段登山旅程，不約而同對响導催鴨式趕人頗有微言，不過無可否認响導係有料到，大家安全落到山，佢都有勞。我就終於可沖過熱水涼，擺過靚推。
|
