|
M-10: 婆繆峰 M-09: 四姑娘三峰 M-08: 尖子山 M-07: 駱駝峰
|
M-06: 雀兒山 M-05: 尖子山巴朗山 M-04: 二峰康巴 M-03: 奧太娜 M-02: 日本八岳 M-01: 四姑娘山 M-00: 雲蒙冰瀑 |
清晨起來，營外橫吹著雪。
等 d 雪收左後，摸黑出發，好凍，打晒電報。
這裡的冰川運動痕跡好勁，規模更大。冰壁，冰溝，懸崖，明暗冰裂縫，冰塔、雪橋，亂冰等錯綜複雜。
攀越時要更小心留神。好凍呀塊臉，次次最難保暖都係塊臉。 D 鼻涕凝結在塊面圈巾到，影響呼吸。方法好簡單，就係把圈巾向左或右轉 90 度
無乜參加者咩背狼，係得我和一兩條友咩，上上吓响導主動幫我咩，其實影響不大，自己咩往我重安心 d ，但係佢都唔係點理我就拿走左我個攻頂小包。
真係幾好服務，如果唔使食工業味精就更好，我可以聞到自己 d 鼻涕有味精味。我估我中左味精毒，就黎谷味精上腦，七孔流味精而死。
天光晒，係咁上又累又凍，無啦啦大家停晒起到休息，我唔理咁多即刻坐低回一回氣，這裏氣壓只有 300 左右，見到 d 响導協作向左右兩方探路。
其實我登山一向着唔係好多衫，上身通常只係着往一件哥以特倫斯外套，入面得件快干裇衫無著 freeze 。家下身處差唔多 6 千，一坐低個人好快失温。依個時候，莫大毛話齋，嗱嗱聲即刻走去搵乳擁。有乳擁個人舒服晒。如果有埋 freeze 乳擁，就天天都似篷萊。
暖返個身，定一定神，終於明白發生咩事停晒起到。原來前路有條巨大裂縫，中間有約 10 幾米乘 10 幾米的雪橋，雪穚中間塌陷，有兩名協作過了雪橋，雪橋出現明顯裂痕，橋雖未斷，但已經不宜通過。時值早上 9 時。
想過下攀再上，也向過兩方探索，都找不到安全的進路。位置是 59XX 米左右， 6168 米的頂峰在望，時間非常充裕，但已經沒安全路上了。被逼回程。
對岸兩名協作留兩根雪樁做保護，這邊幫手收繩接返佢地。
望往頂峰，差一點就到頂，差一點就穿越 6 千米，但我明白要退就要狠，不能遲疑。
咁點都要影返張大合照，今次我無開賊旗， sor 呀各位。 雀兒山，主峰海拔 6168 米，又名藏語稱卓拉山，意思係鷹都無法飛過的山峰。 2007 年 10 月 3 日，這裏就是我暫時最高的位置。 59xx 米。
落山大家都冇乜力。但個响導話現在下山回 BC 。吓，啱啱攻完頂 ( 雖然衰左 ) ，一野就趕下山，好易因為太累出事架喎。
分幾個小隊下山。我相信要今天趕回 BC的真正原因，係為左賺錢多過安全考慮。
D 响導重要係咁催人再行快 D 下山，催到大家死晒狗。
天氣咁好，應該無咩即時危險要咁趕一野返去 BC 。
我好認真問 D 响導咁趕下山的原因，他們只話早 D 返 BC 會好 D 。
我明白早 D 回 BC 係好 D ，但大家咁架狀態，咁催人去 BC 重危險喎。
行進速度頗快，令我覺得好累，要使出花花卸力之妙技﹕硬卸。
回望頂峰，再見了。又係咁，登頂不成，應該唔會再來了。鷹飛不過的山，此刻卻有隻鷹天上飛過，唔通就係 ASS file所記載傳說中的加騰鷹。
日光日白望返上山的路，幾靚，跟返上來條路落返去。
有一個小位要係咁二借繩力。個位好小，但比人行到爛晒，好難借力，唔想費太多精神起ｄ咁位到，攞一下繩上左去算狗數。
觀乎天氣，其實真係唔使咁趕，我只係想用個舒服ｄ的速度去享受和欣賞下四周。
我後面的兩位同伴己經變左龜先人，可憐大家返到Ｃ 3 ，就要嗱嗱林執野走，使唔使咁趕呀。
重有 C2,C1, 先到 BC 呀
雖然落山可以快 D ，但我和一大班人 LINK UP 埋一齊，我的步伐和呼吸節奏被打到亂晒，我走得好吃力好星苦呀，我唔鐘意 5,6 PLAY 架。
去到 C2 又嗱嗱林執野閃，趕往去投胎咩。
居高臨下，真係好大，大到比多隻私眼都放唔落
見到遠處有堆豆豉。來到爛豆腐區，响導見我行得慢，二話不說攞走我個大包，想我行快 D 。唔該晒。
起 D 咁樣亂冰區到穿插要好小心，唔係跌落冰裂縫會濕滯。
望過對面好似好近，但在亂冰雪裏係要兜好耐。
差唔多可以鑽出迷宮啦。
望返過去，我見到忌廉蛋糕。好想食忌廉蛋糕、朱古力蛋糕、芝士蛋糕、雜果蛋糕 …
遇到那群登山者，廿人都有，個樣謝晒。原來是和我們同一隊登山隊，不過我們 A 隊他們 B 隊，他們遲兩日出發。真係好聰明，相同成本支出下，開兩隊，利用中間兩日時差，就同時可以安排更多人上下山，賺兩份甚至三份錢。登山真係一盤大生意。
別過後，我們繼續上路。這隊人就患得患失啦，收到我們消息，明知上唔到頂，上又頂盡到裂縫位，退又唔係咁甘心。真係謝晒。
之後响導見我行得慢，留低恩波陪我叫我倆慢慢行，佢就繼續牧犬趕羊咁催人落山，國內登山隊真係有責任心。不過我就樂得清靜用自己的節奏行，舒服好多。
約 4 點落到 C1 ，慢前面的團友 1 個鐘左右。由於時候不早，落唔切 BC ，今晚要在 C1 過夜。
外面落往細雨，今晚又要 3 人逼埋瞓 2 人營，重要加埋部份裝備和大睡袋，個人瞓到蝦米咁。
|
