|
M-08: 尖子山 M-07: 駱駝峰 M-06: 雀兒山 M-05: 尖子山巴朗山 M-04: 二峰康巴 M-03: 奧太娜 M-02: 日本八岳 M-01: 四姑娘山 |
M-00: 雲蒙冰瀑 |
昨晚下了一場雷雪，起身見到放起前廳的 Mchale 慘遭沒頂。外面仍下著細雪。
等左一段時間，收左 D 雪，天氣開始好轉。但係 d 風重好大，心裏已經打定輸數今日不能出去 C3 。
隔多陣，又停左風雪喎，咁做野啦，謝停風就即執野起行。
先行一段好長的平原，裂縫不多。 回望返，行左好遠，行到腳軟，都未開始上斜。
開始攀升，好辛苦，走得幾慢。昨晚雖然睡得好沉，但兩日來餐餐即食面、饅頭，我真係好難提起勁。
大家見唔見到 C2 D 營，見到可得摘菇教次高賞賜，舔教主腳指縫裏的老泥。
山頂方向天色陰霾，白茫一片。
山下方向就天清氣朗，登山真係好睇天氣，這方面我都算經驗豐富，我指乃野經驗。
翻上雪坡係一個小小斜的雪坡，今晚起到扎營，這兒就係 C3 啦。
風景好開揚，但係今日上左好少咋喎，做乜唔上高 D 建 C3 ，攻頂有數喎。
介紹返，因為今期上面裂縫好密，安全見都係低 d 建 C3 ，蹅平塊雪坡起營，其他人上去探探路。
原來今日上左 200 米，明天攻頂咪上得好甘 ? 部大機唔知咩事，間唔中對唔到焦，唔好依個時候玩野呀。
個 VIEW 真係好好，一想到對往個 VIEW… 食 D 大陸超重工業味精即食面 … 我就倒抽一口涼氣。我好想食辛辣面和出前一丁，福米都唔錯，家樂通心粉都唔差， 重量和粍燃料量其實都係差唔多。
左邊個波就係頂峰，臨頂前有塊 6,70 米的硬雪壁，現在見唔到。
又係時候施展香港登山界的秘傳體術奧義，千連剎 ---- 就係落地時連?制幾下先企穩。可惜落地果下太美妙，未能入鏡。
左面扯晒旗雲的山峰就係 6119 米的多浦峨扎，係雀兒山副峰。
我唔會行入去架，但唔知點解我隻腳唔受控制 … 我唔想起依個位使出千連殺呀 !!! 唔好呀 !!!
賊旗一出，引起一回小哄動，眾人皆為其制作精美，字型別緻，用色冶豔，而發出由喉嚨定衝出來的由衷讚嘆。
天氣不錯，期望明天順順利利走出陰影，走出成 Q 日登唔到頂的陰影。
成班男人在營外向著多浦峨扎調長調短枝鏡頭，開開合合個快門，不亦樂乎。
其實呢 … 有面食 … 係好開心架。 晚上係咁發夢，夢見自己食牛排，牛腩，肥牛火鍋，三文魚刺身，肥豪，芝士蛋糕，朱古力曲奇，雞脾 …
|
