|
M-08: 尖子山 M-07: 駱駝峰 M-06: 雀兒山 M-05: 尖子山巴朗山 M-04: 二峰康巴 M-03: 奧太娜 M-02: 日本八岳 M-01: 四姑娘山 |
M-00: 雲蒙冰瀑 |
陰天，不錯的天氣，冰質會較為穩定，不過都係藍天影相靚 d 。
條冰川大到呢，肉眼所見，十個維園有找。
大量冰川運動的冰裂縫，不過幸好無落雪，裂縫外露明顯，容易避開。
我們成團人加埋 d 協作分左 3 個繩隊，成 5 至 6 個人一隊，都幾少見，通常 link up 都係 2 至 3 個人，安全得來機動性強。
小休一陣，好累。昨晚睡得不好，早餐又係即食面，加上高海拔，我今日狀態好差，隊左包 power gel 至好少少。無乜必要都唔想食 power gel ，因為 d 色和味都好似某 d 液體 。 
大到 28mm 都望唔晒。
我明架，參加者能力和技術不一，差距太大，傳統的 link up 一出事，應該會死晒。
5,6 個人起碼人海戰術，死拖爛拉都重保得往大家條命。行行下落起雪，都幾大，打到頭盔沙沙聲。
行左一段好長的緩坡，開始斜上啦。
不過 5,6 個人的 link up ，好影響大家行進節奏和機動性，我唔係好喜歡。班隊友牛高馬大，我同佢地步速和緩急節奏好唔同，我行得好唔舒服。
淋過雲後，天空開始轉晴，有少少籃色。
爆籃呀，補補粉先。
頭果隊行先，我們就留低大休開飯。起背狼裏面拿出個今朝派的午餐袋，充滿歡樂和期待咁打開。又係饅頭 … 我真係好 … 感動 … 我有野食落肚喎 … 雖然隔離絛友食緊自己帶的史力加。
之後就進入亂冰區， d 冰雪擠壓摺疊到好似爛豆腐咁。
過依 d 位幾麻煩，唔知下面 d 冰雪實定虛，左閃右避上上下下咁好小心過去。
有個隊友過一條雪穚時，一野踩斷左，半個身墜入虛雪中。咁精彩場面，我當然坐下欣賞啦。
過左唔知幾多條雪穚後，回望返，煩都要講多次，真係好大呀。
眼前一塊平坦的雪地就係 C2 ，但前面隔往好多巨大冰隙，要小心落去再翻上來，可能成堆亂雪下面係一條巨大冰裂縫， d 冰雪在裂口上面攝往左架咋，所以跟前一小隊腳印行最穩陣。
翻返上來，又要左兜右兜咁避開裂縫過雪穚，就到 C2 啦。
而我終於都到左啦，望往大包小包的即食面，無言。 休息下， SETTLE 下 D 野，吹水影相時間。
A4 印制的賊旗太型啦，大家爭相合照。
笑啦，我盡晒力架啦， D 雪林架，落地邊企得穩。
終於 SET 好營，今晚個營大 D 架，可以睏好 D 。走入冰斧冰爪陣中玩下，點知界花左我條鏍絲冒， SHIT 。
呀爸教落﹕做人唔好走太出。在 C2 就更加，大家可以望到我身後不遠已經有幾條大冰; 隙。  天色好差，烏雲密佈，睇來今晚會落場雪。
頂峰方向開始積雲，過左陣直頭四周被雪霧包圍，下起雪來。成班友即刻隊晒入營啦，重等。
營入面開個睡袋放隻腳入去，同營友吹水，好舒服，不過 … 晚餐又係即食面。 今晚本來睡得好好，但夜晚風雪太大，沙沙聲，成個營係咁搖，幾驚佢冧。想睏返時，頂 !!! 咸雷閃電呀 ! 係咁打雷， 5 千幾海拔山上打雷，會唔會劈落黎架 !? 高海拔打鼻鼾就試得多，咁高海拔打雷我都係第一次經驗，驚到唔理咁多，繼續睏。但係隔離位姐仔電光一閃就尖叫，點睏呀，我都要尖叫呀。
|
