M-08: 尖子山

M-07: 駱駝峰

M-06: 雀兒山

M-05: 尖子山巴朗山

M-04: 二峰康巴

M-03: 奧太娜

M-02: 日本八岳

M-01: 四姑娘山

出發 ! 浩浩蕩蕩進入山谷，向北冰川進發，今日目標係 C1 。

初段路是輕微的浮沙碎石緩坡，有落石風險，所以帶往頭盔。

過了緩坡後，出現眼前係一掛巨瀑和一塊頗大的積原，重有個營，應該有另一隊人出發左去登山。

小休一陣，由瀑右開始上升，路越見斜碎，另一個度回望返個瀑和積原。瀑布將冰川水連沙石沖落黎，堆成平原，一塊一塊咁好似花海子。

越上越斜，去到一個瀑位收窄，重要比水沖濕晒，點上呀。

原來有條梯，聽講擺左好多年，就咁用鐵線扎往 d 木頭架咋，上到去重有個難位。

之後重斜重窄，瀑側有個小懸 gap 位，幾麻煩，要除袋先掂，大家逼晒起到倫往上。

上到來幫手接應，行前小小搵過無咁斜的坡位午餐大休。打開早上協作派的一人一個午餐袋，入面有隻蛋、有隻乾硬饅頭、有絛腸和幾粒白兔糖。頂，收我咁貴，又話包伙食， d 伙食點好點好，原來係咁咋？

不過我都明白，高山上唔可以太高要求。但係比咁多錢，朱古力波都無？餅乾都冇塊？雖然我對食要求好低，但高山上食物對登山者好重要架。我平時自己登大山用好少錢午餐都可以大魚大肉食得好好啦，而重量又唔係差好遠。

協作的解放鞋，國內登山最強兵器。而我在香港無錢買新鞋，一路上都係著這對爛鞋，結果之後的路就奶野啦。

食飽起行，路更斜更碎更費力，看見到是最後的草皮，之後一路都係爛到九彩。

終於望到 C1 ，個包好重呀，好彩 MCHALE 咋。

到達北冰川冰舌， C1 在冰舌冰磧湖旁邊，右邊深灰色唔係岩，係冰川來架。 BC 和瀑布 d 水都係來自這個冰磧湖，你睇 D 色就知含礦量幾豐富啦。一杯應該夠幾代人一生所需的礦物質。

雖然烈日下，但冰川硬度很高，明天就要踏上冰川去 C2 。

等左陣，見到其他隊友上來，我第一時間當然係幫手 … 影相啦。

終於有人幫我影相。

冰雪其實好污穢，係近頂峰的冰川先雪白 D 。

坐低休息下， SETTLE D 野。

火速咁影返幅合成全景，簡稱火影。

換上架生，協作帶領到冰舌邊練習技術。

協作教了參加者點樣用冰斧、冰爪和下降器。混合了沙石的冰非常堅硬，要更用勁才能把冰斧打入。

行左成日好肚餓，晚餐就係即食面。頂，大陸 D 即食面好勁味精，應該中左少少味精毒，搞到我成晚個口都好口干。

個營好窄，三個人睡兩人營，個口又好勁味精味，加上高海拔，成晚睡得好差。