今天晨早出發去馬尼干戈的雀兒山登山口。
已經身處四川西面的位置，一日車就可以去到西藏架啦，依到真係好西架。
坐了一個早上，終於到馬尼干戈巿集食埋個午餐。
想知道西藏歷史和藏人自己的世界觀，放大眼睇吓啦，係放大你隻私家眼呀。馬尼干戈巿集比較細，海拔都幾高下。
到左山口啦，附近的居民都來看熱鬧，之後的路要正式用腳行，拿返Ｄ大行李出來放上馬，輕包上陣。
遇返恩波，佢賣左架車，轉行做協作。今日目標係ＢＣ ，無乜攀升和上落，所以對POLE擺左起成都無拿來。
入口其實係新路海風景區，附近又唔可以話無人往，最近要行半小時有一條小村。中國西部Ｄ粍牛，就好似新西蘭Ｄ羊，澳洲Ｄ袋鼠，阿根廷Ｄ牛，香港Ｄ曱甴，周圍都係，不同的係：粍牛好食好多。
初段穿過一彎色如濁玉的流川，源於新路海，一睇就知係含礦量勁高的礦泉水，飲左應該會生腎石膀胱石膽石牙石。
Ｄ牛左會唔會生石呢？放心，佢地唔會生石，係會生情啫。
到左新路海啦，新路海其實係一個海拔 4000 米左右的湖，由沙?里山脈諸山冰川雪水滙成，雀兒山正是其主源之一。湖的對岸再入咪 ＢＣ囉。
資料和地圖有限，唔知這座山叫咩名，好有氣勢好似金字塔。
沿新路海邊的小路綑邊走就可到雀兒山ＢＣ。
好熱，Ｄ花草都晒到干晒，此刻的天氣真係完全唔似 4 千米高。
想起香港山頭的塗鴉和路帶等人工物，香港山客通常是批評做法不當。但藏人都是在大自然留下好多文字、馬尼堆、旗幟等人工物，香港山客卻視為人文色彩。真係誰為正邪定分界。
風景區內有少量民居。條路無難度，行得好輕鬆，行下影吓相，好寫意。
老實講我覺得真係似個海多Ｄ，你睇吓條海岸線，幾咁玲瓏浮凸。
我無沾花惹草呀，我一向都只係睇架咋。
綑到對岸啦，已經見到ＢＣ。新路海藏名玉隆拉措，意思係神仙傾心的湖，真係好似個海，重有沙灘添。
海子後面好似荒地一樣，長滿腰高灌林，望到ＢＣ，但無明顯路胚，响導又不在旁，唯有溯源而上。曲折蛇行，水若暮色，好冶豔，探路期間，空谷傳來咚咚聲，如鳴佩環，十分悅耳，原來有人在崖壁上開工。
工人在壁附近扎了一個簡單的營，有發電機，重有個喇嘛做指導，好認真，壁上刻的應該是藏傳佛教的六字真言 [ 嗡嘛呢叭咪哄 ] ，藏人對宗教真係好虔誠，人又好，唔用刀斬人時。
左邊的深谷就係雀兒山南冰川的出口。
右邊的深谷就係北冰川的範圍，今次登山由北冰川進發。
雜灌亂石，濁溝濕泥之間有一塊平坦坡地，我們的ＢＣ建近右邊的深谷，一來到ＢＣ，我真係Ｏ左野。ＢＣ的規模超出我想像，完全估唔到ＢＣ係咁誇，真係鄉下仔，重以為係得幾隻細營。有幾誇遲Ｄ介紹返。
舉頭望冰川，低頭思故淵。ＢＣ高 4 千左右，今日上升都唔知有無 20 米。
坐低第一件事就係ＤＩＹ，味道就當然好…過無。
Ｄ協作就圍埋一堆開枱，起ＢＣ無野做，行行企企，好悶熱， 33 度古綿純。
陽光沛然，當然周圍獵影啦，唔知登山時的天氣會點呢，冰川上陽光太猛好危險架喎。
ＢＣ大家都好悠閒，團友示範如何適應高海拔。
晚間充電時間，群山環抱下充電一樂也，陽光一收就開始凍。飯後開張乳擁充氣。
商業登山隊的晚間節目開動，開發電機，開燈焚機唱歌跳舞，我就唔好此道，但半推半就都比人屈左出去唱返首。
晚安。綠色睡袋的團友是移民左去澳洲好耐的香港人，現在長駐國內做生意，佢今年開始玩攀山，參加者裏面佢係多經驗的一個，其他參加者呢真係唔知點講。
半夜出來放水，月光勁到刺眼，光到個人有影。
|
