|
M-08: 尖子山 M-07: 駱駝峰 M-06: 雀兒山 M-05: 尖子山巴朗山 M-04: 二峰康巴 M-03: 奧太娜 M-02: 日本八岳 M-01: 四姑娘山 |
M-00: 雲蒙冰瀑 |
5 點起身， 5:30 出門，好両凍。
食完早點，上車出發去甘孜，又係交通日，一路上風光無限，最宜甜睡。
途經塔公，個人覺得塔公係康巴地區最靚，唔係菩薩都唔會咁鐘意。
上次來時草色枯黃，現在健康好多，雅拉神山隱現，唔係好清。旅遊業味比上次重左，周圍重拉左討厭的籬笆。
本雅金塔寺仍在裝潢，可以想象整好後幾咁金碧輝煌， 屆時入去要帶黑超。
期望再來時，這裏仍未受旅遊業污染。再見啦，菩薩最愛的地方。
架車行行下，前面停左幾架車和好多人塞住，過唔到。突然間見到一群藏民大打出手，跟往亮刀互相追斬，沒有刀的就拾起哈密瓜咁大塊的石怒掟，依個場面，我們當然不下車，更把車倒退，靜觀其變。幸好無人受重傷，等左成個鐘，我們架車後面已經排左長長的車龍，進退不得，卡實起度，前面就越來越多圍觀的人，實在太悶，一 d 進度都冇，而且其他車好多人出左黎，咁境況都係下車睇吓熱鬧。
聽講事緣係撞車，搞咁耐都傾唔掂數，又冇公安黎主持，咁搞法，架車唔駛行啦。無野做，同附近的村童玩左陣。
見到有 d 面包車師機，和對面面包車師機交換 d 客，然後各自調頭走，係醒喎。坐起到唔係辨法，睇黎到明天都拆唔掂，同其他團友想方法，決定試下架車鏟落路邊草地避開塞位，上返公路。
陸續有其他車都係咁做，我們都照辦煮碗，人就下車行，減輕架車負擔，最危險就係落草地個位。架車好小心鏟落草地，成功離開草地前，附近的Ｄ村民守往要塞位，向所有進出車收廿蚊，我頂！唔好俾啦，但司機為免多事，照俾。依班土匪！觀乎地上的碎片，似乎成日有交通意外，今次單交通意外都唔知係咪佢地做架。
路上可以見識到百聞不如一見的中國物流，如何盡用空間。
又一程唔知幾耐的車程後終於放 lunch ，青天下食飯感覺不錯，食物特別有風塵味。食完散步玩吓小否。
勁悶的長途車，幸好一路上風光如畫，令我瞓得好甜。
車程中途經過一個?色美景。附近有民居，如果住在這裏，黎明晨曦、黃昏夕陽、午夜星月 …靚到令人打一個冷震馬上瘋。有幾靚 ？看下一幅你就明白架啦。
真係太靚啦，靚到拍拍聲，個湖名好似叫拉乜野湖咁樣，唔記得個名。可幸地這景致無乜人介紹，沒有太多旅遊報導，我真係唔想見到這湖兩岸建滿屏風酒店，湖中盛滿三層觀光噴射船，空氣中滲滿喇叭擴音器傳來的刺耳介紹聲，背襯著馬達聲、馬吊聲、吐啖聲……真係黃禍。
上返車走啦，坐左成兩日車，釣魚釣到鯨魚都有幾條，好累。
窗外雲白天青山翠草紅，伴着車子規律的震盪，有點目眩。
每一次坐長途車，都偏愛望着窗外風光入夢。
路上最高位到 3 千 8 ，快到甘孜啦。
今晚往酒店好豪，我好耐未試過去攀山往酒店，一向都係瞓 d 小旅店、青年旅舍、農家、機場大堂、火車站。推開窗看到遠遠雪山。
資料顯示甘孜高 3394 米，我這隻錶測高幾準架，每次都少成百米。欣賞埋中秋後的圓月就食晚飯。
後打算上網疏乎，但一間都冇，唯有返去啦，咁又一日，甘孜地處四川西陲，相對其他城巿落後 DD 。
|
