|
M-08: 尖子山 M-07: 駱駝峰 M-06: 雀兒山 M-05: 尖子山巴朗山 M-04: 二峰康巴 M-03: 奧太娜 M-02: 日本八岳 M-01: 四姑娘山 |
M-00: 雲蒙冰瀑 |
今次行程第一座山係跟國內的商業隊，之後去邊就未認真細想。照例夜嘛嘛去到深圳瞓覺等天光，個背包次次都咁死重。有幾個人在機場椅子到瞓緊，我揀好位，放好東西就瞓。瞓醒執背包，已經係孰手技工，但我卻無為意到一件小意外正在發生。
已經將好多重野跟身，去到寄倉重左少少啫，平時都唔理，今日條女竟然話要收錢，緊係唔比。拿返件行李再執過再拿去寄倉，又超重，就係咁我來來回回執左 3 次先寄到倉，我就咩到死死吓咁上機。
等上機時，驚覺唔見手機，激死，應該係椅到瞓時跌左。上機一覺瞓到成都機場，去找成都接洽人，今晚往得好好，一個人往好大間房。好累，出發前日日開工清野，無覺好瞓，好想即刻睡個靚覺。  沖完涼，無咁攰。一望窗外繁華的文殊院街，車水馬龍，時間尚早，決定出外走走。
成都無乜點變，重係周圍工程，地鐵有排先完工，空氣比上次來時更差。
返到去，見到其他團友，等齊人一齊去食晚飯，大家作初步認識，全部都係中年人士。
雖然好攰，睡魔急 call ，但我都好專心聽 briefing 架。聽完返房執埋野，睇埋深宵視節目就瞓。
為老泥故，負責人放孔明燈，安心上路啦各位。
|
