|
＠前幾日搵返本回鄉證出黎，仲有三個月先到期！好采！
 
＠830深圳口岸茶餐廳集口，去到發現好多人，好似有幾隊旅行隊都有join。驟眼一望，估計今日排牙之旅既團友平均既年齡係 40 +，而我地三個就應該係續三條o靚仔之後最年輕架啦。
＠集合時得到登車貼紙一張，集合後等左成半個鐘先起行，結果仲要轉移陣地上車，上車之後癲佬睡死了…車程大約個半鐘，中途邊睏邊睇風景，見到大小梧桐之類。
＠落車見到一座極吸引既山，特別係中間果三個尖峰，我地个以為呢個就係排牙！
 
＠向高大農莊出發，中途路過一個儲水塘。後面果個好似八仙嶺但係有九個峰既就係真正既排牙山。食塵之路，唔好話車，人行過都會濺起沙塵暴。今日真係暴哂，好在有遮。dino就…乾煎啦∼
 
＠去到高大農莊，好細…但係有水喉同３蚊一鑵野飲已經好出色。
 
＠我地就係起呢度做左一個簡介先行。出發之際成功偷拍農莊美眉。
＠Team A合照 (A隊即係全走排牙)，搵下我地啦。
＠合照完出發！真係人山人海，今日有成２７０幾人！係我地３０次活動既人數。
＠開始路經一段果園，發現有無線電視既採訪隊，偷聽佢地講野應該係拍d乜鬼內地發展特輯之類。
 
＠好多桔樹，令阿樂垂涎三尺，係咁叫我盜桔…三條友仔包尾慢慢玩…
  
＠但係一開始就係0米怒鏟 500米，好多團友頂唔順要休息，我地就係咁過人。到達第一個攀爬位置，有條古惑的繩起度
 
＠比佢kick到就玩完，唯有飛墮落山崖。回頭一看見到team已經到達大休地點，之後沿路撤退…
 
＠攀上九個峰既第一個，已經係成500米，中途不算太難，係好多bee bee 飛黎飛去…
＠一眼望過去，發現排牙都真係幾有睇頭，有好幾個峰都係外露岩石既石峰。
  
＠峰與峰之間既都係岩脊，兩邊係直崖！黎個阿威上身先！
＠絕對精彩既第三峰，真正既獅尾天梯，香港果條應該係獅尾d 毛。
 
＠天梯食梨同冰淇淋，個梨好好食，點解要帶三個梨五條蕉唔帶六個梨呢… = . ="
 
＠遇到好友善既深圳行友Ms W同鍾sir! 來個合照呢。回望第二峰。
 
＠深圳既行友竟然起山頂食西瓜！仲分左d 比我地！好感動呀！
＠排牙山北面腳下風景，有好多盬田。
 
＠無驚無險翻上排之癲707，但係比起之幾個峰真係差好遠，只係一個平頂大草坡，不過都係一個大休既好地點！兩點幾，係時候開始我地既完美午餐計畫！吞拿魚番茄香蕉芝士三文治！！
 
＠請祖師爺冰極之神登場。
＠行友又起山頂分西瓜！貪得無厭既我地唯有講句"謝謝啦"！
＠大休左好耐，食到好飽唔係好想行…回望到主峰上既團友。
＠主峰之後就開始落山啦，好似有好幾個峰冇上∼不過先前果三個都已經精彩。深圳地區羣山，山勢一浪接一浪。我地都行得好快下，但係後面無啦啦有個人追住我地，原來係良哥！好勁！三西瓜FullGear暴走！輕易過左我地…
 
＠ 幾經辛苦起呢個大石台追到佢，起度休息左一陣同佢吹下水咁。
 
＠再起行cut過了一條小澗，有隊人起度開爐大休，繼續前行見到行友留下既"X"記號。
 
＠臨近出口之地因為係核電地界而有鐵網重重包圍！
 
＠越過鐵網會到一類似礦場之地。有好多巨石可玩，各據一石！
 
  
＠Dino與巨石，今日癲佬over heat係咁炒車，盡全力方能攀上，Dino 之最期…
＠大亞灣核電廠海岸。
 
＠經礦場離開，兩條友仔起度落石炸爛屋…過了預防山火牌便是落山之路了。
 
＠無盡既公路… ＠發展核電，造褔人羣！
＠回望今日行過既排牙全脊。
＠附送精美日落乙個。
  
＠汔車廢氣大到你驚。原來我地離深圳有 65公里之遙，冇車就…出到市集！回程！！
 
＠再撘半小時車去到一間外面子豪既酒店食晚飯！
＠食飽返屋企。Dino返到深圳則仲有下場。
2004年10月31日 |
