下一頁
＠９月８號晚，集合之前先返上水問朋友借條繩使使，天陰雨濕加地勢險峻都係有條繩防下身好。1945上水火車站集合，除阿棠遲到自行追龍外，其餘全員都準時到達即時出發，快閃過關在深圳車站外等待阿棠。
 
＠幸好佢８點３左右就出現，趕火車之前匆匆的兌換人仔，竟然被兌換店擺了一道，換左一張假銀紙…全程多番脫手失敗以至旅費每人多了９蚊…馬的…   
＠開往韶關火車0830發車，車程約六小時，初時不停被懷舊老歌攻擊入睡不能，等到十點幾關燈封咪後才可以安睡四小時，臨到站就被服務員溫馨提示。
 
＠９月９號，凌晨0210到達韶關，出站，雨天，少，出遮，左轉搵旅館，走到火車站旁的一間酒店，門口寫住「好消息 結束營業」＝＿\＝，那尾…
  
＠之後ｋｋ遠距離望到一個燈箱寫住「住宿飲品」，好∼大方向推進，去到門口見個店內有個Dave-Only 既阿叔在走秀…呃頂…見到咁多人圍觀阿叔都唔好意思拿拿入去著返條褲出黎。見到房間都ｏｋ平，４０蚊一間雙人房屈蛇位位１０蚊，只係諗住攤四五個鐘既隊員都想速戰速決拿拿聲睏覺好過。  
＠就這樣入住了這一間有史以來最差既旅館，同睏街比只係多四面牆，無冷氣、床單封塵有蚤、枕頭發霉、廁所污漕到不行、洗手盤爆裂…真係差到七劍下天山，澳門睏公園都好過佢呀少。
下一頁
2006年9月9日 |
