|
＠大埔集合早餐食住等，之後齊齊打巴入錦田，久違的１Ｘ團友大Function。
 
＠去到蒙養小學站落車起步，錦田好似搞緊打醮，一路上都佈置左好多旗幟，幾好睇。
  
＠穿村，路過下ｄ唔知乜料既古蹟，影下相望兩眼閃人。去到樹屋在路邊有小否乙隻，觀乎不見其母，可肆意欺凌。
  
＠樹屋，上次黎經已行到撻哂皮無乜點影相，今次補返。真係幾別緻既景點，ｄ樹生到成個屋形，但係內部間屋又爛得七七八八，樹根起ｄ柱腳位仲生到直角曲尺形。
＠會合埋地頭蟲花子同癲哥哥黎張合照先，真係久違既大隊啦，仲有公主殿後領隊等特別嘉賓。
＠搞掂出發，望住個山腳就去啦，但其實帶頭果個唔識路，識路果ｄ又唔帶頭，唔知想點。
＠穿過小農田，開始發現方向偏離左去左右邊…
 
＠殿後終於忍唔住出手帶路使出直線攻擊，強闖果林、田間小路。最後突強鬼針叢終於殺返出大路，可以繼續沿馬路前進。
  
＠到達登山路口，殿後一馬當先殺左上去，意圖扯爆一眾團友。今日果太陽都幾惡，隊員樂為免公主會被哂傷立刻為其打傘。
 
＠特倫新的加一，真威。 ＠這邊箱隊員樂亦不甘示弱…＝＿\＝
 
＠一開始段路係咁扯上山，真係幾惡頂，不過上多少少就望哂成個南山圍地區，景色不俗。望到遠方山坡旁有巨石群，三數隊員暴走一登飛躍。
  
＠領隊更單挑試攀巨岩組，可惜事敗，雖惜一腳之助才成功上攀。離開岩石再行多兩步就到達近頂位置，有一類似發射站的東東。
＠越過山坳位，能見度唔錯，可以返到深圳的城巿。
  
＠終於到頂，山頂前的位置有一枚舊的殘破標高柱，形狀下肥上瘦，比較少見，大埔滘山火瞭望台旁邊都有一支類似的東西，唔知係幾多年前既產品。
  
＠今日可謂高手雲集，公主同領隊黎一個先禮後兵，再切磋切磋裝備。
 
＠鬥得難分難解之際又突然發生了狀況，隊員樂的戰友被狂風吹飛，演出左悲壯戰死既一幕…話說領隊的父親此時正在山下，看到有人在山上放風爭…太哩…最後出動海豚直昇機都無辦法搜救到滾下山的傘子。
 
＠收拾心情再上路，去到另一組巨岩休息攀玩，上次黎就係玩到呢一度，跟手就在隔離條脊落山，今次反轉玩返黎呢度就剛好全走哂成條脊啦。
  
＠休息之時驚見後方出現一獨行人仕，細看之下發現係ＡＢＣ，竟然使出「真．追龍技」，太可惡，影佢啦！！都成點幾，休息完都係時候爽住落山食飯。
＠下降時回望西方雞公嶺，成條山脊密鋪金黃枯草。
 
＠上次落呢條路經已幾濕濟，極期望有人會演出無力挽，今日極力保持形象既特倫因為分心做人肉扶手既關係，都係不負眾望Ｐ左一野。最後除左領隊收制不及鏟左落山同ＡＢＣ舊傷爛腳之外，大伙兒都安全落到山。
 
＠快閃快閃！出錦田食野！！去返上次果一間，但係入去坐低一望先發現星期日只有貴價餐！！中計，但都計照食啦！！
 
＠但係唔知做乜Ｑ咖喱極重手，辣到Kant，仲要點多個炸辣椒！真係要左我老命！！之後食下阿樂果台果Ｄ發覺又無咁辣，真係中計！！！
2005年11月27日 |
