新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

Pui

月牙荒漠

西部連綿的荒漠,以杯靈山脈為屏障,將它從文明世界分割出黎,嚴重的水土流失造就了包括月牙谷及青松紅壑等許多自然峽峪。只要翻上這道屏障,你就會看到這片由黃砂、劣地、沖溝構成的獨特景觀。

隊員:Pui, King, Abc

 

0900良景集合早餐,去到先知昨晚青山山火而家都仲未救熄,考慮過改線去九徑之類,但最後都唔理咁多上左良田坳睇下乜環境先=_=

早餐後出發車路上良田坳,望到菠蘿山一帶全數變成焦土,但感覺燒左同無燒都差唔多,都係咁荒蕪。

到達良田坳翻上杯靈山脈屏障,俯瞰西邊荒漠災情,今日第一主打月牙谷一帶竟然幸免於難,十分好∼

照原定計畫下降荒漠,十數分鐘行程便到達青大石澗上源的五渡水,登上一小山丘。

月牙谷就在面前,如此巨大的一個新月形的沖峪確實精彩。


新月的下方有一秘道可進入峪內,此道只容一人通過加上有叢蔭遮蔽,幾有獵奇搜秘Feel。進峪後更覺月牙峪之寬廣,而且更是個死胡同格局,抬頭望全是十幾米高既泥牆,仲有a先生危坐牆邊搏影相架。


原路退出谷外,在右面繞至月牙谷上方的岩石上小休。

享受一下冬天溫暖既陽光,如果夏天行走此線在這裡休息相信只會落既暴哂中暑既下場=_=在這裡再觀察南面山火情形,只見直升機不停來回掟水彈,但都無阻火勢一路蔓延至青山西南邊249山頭甚至疊石頂的山腳位置…睇黎今日都不宜取道疊石頂撤退。

離開月牙谷後原本打算連遊埋青松紅壑,未幾遇到分叉路,青松紅壑就在左路百米以內…但完全無做功課既三人在右邊見有谷就去,就此錯過了青松紅壑這個景點XD。

經過一沖谷頂的窄狹泥牆,旁邊就係十多米高的谷底,差錯一步都猩猩。

到達了自以為是的青松紅壑,都ok大架,但睇返相真正既青松紅壑係真係紅好多架。中午時候入峪中空地大休午餐,北面堆田區不時傳來陣陣異味…確係另有一番風味∼

a先生又秀出佢既最愛利賓納仔仔,立即被恐怖襲擊穿袋收場XD

再上路,下一站禾塘頭,先覓路下降大冷溪,這一段路經已飽受山火摧殘變成焦土,尾段穿枯炭林而出,A先生既白色T經已被畫上無盡刀,而全黑既我套衫睇落新左…

大冷溪意外地豐水,小休洗個靚面咁,D水冰到呢∼沿澗下降行多兩步就會到達直角分源位,小支流旁邊便是上山的小路,支流左面山脊應有更直接的路,但我地都係行最大果條先去電塔。

登上電塔後一陣沼氣味道撲面而來,目下已是堆田區範圍。沿山脊繼續登頂,發現堆田區造就了一個另類生境,後方山谷裡的草坪上與世隔絕地生活了一群十多頭的小否=_=

快步ko埋281禾塘頭閃人,打算取道副峰的西脊落山,省回半k馬路架,下崗途中覓得當年落探員同特偷午睡之石,果然係偷閒既良地,午後之陽光下隊員們極速入睡,舒服到踢都唔肯走…

最後下降西西南脊落到稔灣路再省半k,慢步出龍鼓灘打巴離去。搭車去到小冷水一帶時仲見到山上有兩三道火線,受到如此岩重既地圖攻擊,睇黎青山有排都好唔番…

 

相關遊記:

 

2008年1月2日

返回上頁返回首頁返回頁頂

 

Email