|
＠原定是日路線「杯靈四谷」由於活動搞手落探員既鴿子而胎死腹中，其餘四個隊員無個知道路線，於是早餐會議就臨時動議由癲哥哥領軍一探青碟坑，輕鬆攀遊半日算數∼
 
＠改路線既關係要再搭多一程輕鐵去輕鐵車廠起步，抬頭一望青山真係連崖不絕，隨口建議「不如上青蝶坑後右折橫移試探一系列青蝶崖」，一眾和議＝＿\＝。
＠經過行車隧道入到一小村落，點知一入到去就見到馬路上大大隻字寫住「白撞必死」 …見到好驚囉，行多兩步路過一間村屋既時候仲有個村民走出黎兜截我地，唔俾我地入村叫我地行第二條路＝＿＝，我地問又話呢一條唔係私家路，我心諗少你啦你有乜權唔俾我地行條公家路。最後癲哥哥好言同佢解釋我地只係路過行山，終於肯放行但都要跟到我地直至入到山路＝＿＝至於佢地做緊乜野勾當咁驚俾人見到就無謂深究啦。  
＠穿過廢屋經過一小路去到一澗邊，這道短澗基本上係由一大塊岩床組成！
 
＠睇落極之好爬，於是快快手cut 落澗沿澗上攀。
 
＠去到一波板頂前路被一兩米壁所阻，手腳位不良，各人輪流挑戰均告失敗，只後只好跨過濕壁由左方繞上頂。
 
＠續攀，兩壁對立成峽，不錯說。  
 
＠隨意一登左壁，青蝶坑至此經已收得工，再上就只有林可以玩。
 
＠呢個時候，可以退一小段再登上右壁開始橫移了ＸＤ拐個靚彎就可以見到青山東面既岩石帶。  
＠好喇，進入今日既玩命既主題啦，接下來既行程一半係壁，一半係林，完全沒有讓人喘息既餘地。
 
 
＠路線已經唔重要，你問返我點行都講唔返出黎，所以是次遊記地圖都可以省回了∼只知道要翻過岩脊越過低峪不斷右移就是了∼  
＠加插下輕鬆既穿林環節緩和下險攀既恐懼∼
 
 
＠三番四次挑戰死線！呢一頭Ｄ壁直都經已夠濕滯，但最攞命都係Ｄ碎石，一個唔該攞中虛位就算唔 34.com，打中下面既隊友都夠hAPPY＝＿＝  
＠是日最攞命位，幾近垂直既惡崖，下段挑戰級攀爬，要將四肢扭曲成不可能的角度搾取牆上僅有既手位，加埋上段無限碎石，將溫柔捐給你都靠運氣！  
＠就係由呢度典上黎，家姐Ｄ戲雖則係假Ｄ但係無多到，真係好那LUP水＝＿\＝!!
 
＠再黎一壁左右線，癲哥哥首探，家姐拿著相機輕描淡寫一句「喂去左邊影相好睇Ｄ喎…」就咁就將癲哥哥趕入左邊既惡崖之中ＸＤ  
＠眼見癲佬都攀到抖哂大氣咁我地就梗係醒目仔玩法爬右線，點知呢一面都唔係人咁品，意圖沿壁中石隙上攀，但體位極有問題，要典係石隙都唔係易事，幸好最後伸手探到盡，終於靠一個反握靚位突破此關！
 
＠會合經已脫險既癲哥哥，壁頂午餐時間，回一回氣兼作中場檢討，睇黎大家都攀得好盡興ＸＤ  
＠再行，前無去路又黎一個林藝環節~
 
＠穿林而出之際竟然發現有路標，原來我地經已去到傳說中既青蝶石河上段!!
 
＠呢條山泥傾瀉而成的石河規模頗大，留返下次慢遊細探吧∼石河上段直指青山南面副峰，亦係今日既脫出路線。
 
＠石河左邊岩脊上攀，呢段亦甚有玩味，如由石脊外圍上攀，相信個懸空感會係全日之最＝＿＝
 
 
＠最後脫離石脊踏草坡抵達副峰頂，完成是次險攀旅程＝＿\＝
相關遊記:
2007年11月23日 |
