|
＠天氣太好，藍天大量，煙霞夠少，更吸引多名新隊員加入！
 
＠粉嶺火車站早餐團，諗住拿拿聲食完個早餐就閃，點知阿小迪可能唔抵得我地有早餐食，最後吠左幾聲，畀個經理發現左=_\=事敗被人趕走……做得好呀小迪，頂！
＠好彩之後都成功偷運到隻衰犬到鶴藪……路邊執下野之餘可以沈視下今日要登既山頭，d岩真係幾吸引！   
＠消失左多年既「生態探索者」又出現番喇，唯一既三名成員合照=_=計起黎對上既活動已經係四年前既千溪之旅……出發！沿鶴藪路上水霸，輕鬆熱身一段。
 
＠去到燒烤場小迪又有野攪，原來開緊個小狗小聚會，成班狗友圍住吹水，d犬就梗係周圍跑同打交啦，小迪都唔執輸，走去識狗公，叫極都唔肯走，正衰犬一.一……
 
＠黎講之後既路都係沿衛徑上架。  
＠順光影山d對比出晒黎，十分出色！亂咁影，後尾返去對番先知中間既岩頂就係「獅子嘔血」！！經細心觀察後，證實隻獅子嘔血過多，救番到都o徙氣，閃人……
 
 
＠今時今日咁樣扯上山頂呢種態度係絕對唔正確，大休吹水先係王道！李暉又有新玩意，就係聲效加速器，實在太讚，一人一支，幾野就可以爆上頂架喇！
 
＠離開少少主路，先上獅子嘔血，一登獅子頭，原來都好企下，下臨鶴藪水塘，風景不俗……藍天下真係要舞犬一番！
 
＠去到約470m處即屏鶴石澗出澗位，左方就有明顯路徑上南山架咧。終於可以開始今日既主打行程……
 
 
＠條路雖然係大，但係又斜浮沙碎石又多，都係要小心d。上到第一個頂就可以睇晒成條南山石脊，大家都獵影一番先！   
＠唔理咁多，搵個位大休開飯先，一人一客牛井飯，感覺十分之溫馨架！小迪當然有佢既專用狗糧啦……
 
 
＠飯後活動係獵影既環節，主腳李暉畢業袍出場，藍天白雲加崖景簡直係一絕，更一道被對面衛徑既行友住足圍觀，正喎！  
  
＠我地呢位老朋友仲於畢業喇，大家都為佢o係山頭上帶上一句句既祝福，真係又要懷緬番上年既斜炮頂之旅……
 
 
＠續繼行程，下一站白燕岩，先輕登470南山頂，沿北脊小路下降長排水上源，再往下走十多米尋得舊白帶小路乙條直上山脊。  
＠此一大上大落令隊中唯一女隊員既精神狀態一度跌入美玲模式，只好留向山頂休息下啦，其他隊員輕裝登頂……
 
 
＠因白燕岩西、南兩面皆為直壁，地圖上只有一回頭路可走，雖然理應有小路經尖尾墩下降鶴藪，但係天色已漸沉，都係登頂後走回大路為上策！
 
 
＠今日真係夠晒皮，連林小迪都出現撻皮狀…白燕岩極頂有紅帶作記認，下望可見尖尾墩，都係留在下次再探…左面可見南山北壁及白燕南岩…
 
＠快步回程，執番冥想中既wendy後，沿東南長脊出南涌郊遊徑，丹桂坑小巴出粉嶺完成。
相關遊記:
2007年12月2日 |
