|
＠之前同星仔黎過一次但係無帶相機影唔到相，好唔開心，咁岩今次要一條短途閒遊線，正好舊地重遊。一起步就係無盡既梯級…
 
＠一入山星仔就執左支木棍當行山杖用。
 
＠真係幾辛苦，行到阿柒撻皮。進入山脊開揚路段，左邊可以望到元朗八鄉，另一邊係大埔。
 
＠在山脊上…上完又落，落完又上，行得好快，變左豆事。
 
＠過了兩個山頭就但了傳說中既刀刃天險，阿柒仲咁好笑容，即係死唔去啦。
 
＠天險並無想像中咁險，兩邊雖係懸崖，但係圍好哂鐵鏈，好安全。
 
＠刀刃狀山脊，離開天險向北大刀屻前進。後半段全部係下降，遠處就係北大刀屻啦。
 
＠中途有一景石在左面，有小路引出去，幾好景，我地起呢度小休食梨。
 
＠到達北大刀屻頂，企墩！之後有分差路左面落粉嶺，下山亦係無盡既傷膝之路…
 
＠山腳接近蝴蝶山位置會有一晨運地，今次唔落粉嶺，見到路牌指可以去上水，一試。
 
＠發現不知名標高柱…最後行一段少密既路落去蕉徑附近村落。岩岩好有小巴出上水，出去食許留山。
2004年1月15日 |
