|
＠10點半上水火車站集合，小巴$7.8入麒麟村去到山腳就叫司機隨意放低我地。
 
＠一落車經已見到成塊麒麟西崖起面前，遠觀其勢似乎十分兇險！ 
＠在墳後小路經過一片枯草叢到達短草碎石帶域，幾鍾意枯草區既荒涼feel，沒有正路大方向對著崖底直上就是了。  
＠15分鐘便可以底崖底，兵分三路各自隨意攀∼
 
 
＠近觀發現西崖盡由大型岩堆砌而成，多作70-80度坡度加上無限手腳位，岩石之間有許多草帶棧道可以繞上頂，自視主觀地覺得十分之輕鬆。
＠但返去睇返ｄ相…險到咁既！？人在天崖背景造型一番樂∼
  ＠臨頂位置寫意危坐觀景，新田米埔一帶盡在掌握之間，估佢唔到咁好天。  
 
＠飛越大裂峪，正午1200 成功登頂222麒麟山，快。  
＠不作停留南路落山繼續搶攀大羅天，下降途中回頭一望發現西崖偏南呢邊個勢仲惡，家姐都忍唔住要走返上去影張相留個紀念。
＠大羅天，咁望都真係幾遠下…但今次唔去留低佢一座孤伶伶咁應有排都ｋｏ唔到。  
＠大路南下，回望麒麟山，啡色草皮好正。
  
＠臨到山坳馬路位離奇地miss左條大路，無聊地爆左20米＝＿\＝競競就醒目仔由旁邊大路慢慢行落黎，高手高手。上大羅天入口就起正對面，嗯…好唔吸引。再考慮就會放棄架啦！走吧啦！
  
＠完全唔理家姐既感受係咁扯上去，直上到一個小植林區先停落黎玩下石。好玩呀動態攀登，阿家姐對快艇出賣左佢，被困啦∼正wa∼
 
＠玩完石再爆，1330抵大羅天山頂。  
＠東面平原有蕉徑、蓮塘尾同我老家丙崗等小村落，再遠ｄ上水都見到，好景∼
 
 
＠小休完畢取道大羅天西脊落山，順手ｋｏ多一座牛潭尾山。  
＠呢條路明顯少ｄ人行，條路都變到唔係好睇到，踩草落山最後cut到馬路。
 
＠跟住馬路閃人，遠望到下山方面既風景好似唔錯！
＠有好多五顏六色既樹開哂花咁，一陣經過可以獵影一番！  
＠點知去到馬路盡頭竟然有鐵閘！？嘩回頭路別要走，心諗渡假村啫，又見到鐵閘上面有帶…梗係爆入去先算啦！  
＠入到去風景果然讚，Ｄ羊蹄甲開到爆哂，日本櫻花都係咁上下，使鬼去日本睇咩。正當影相影得興起既時候，突然出現左幾個阿姐喝止左我地，嘩原來我地潛左入軍營YAHOOOO~!＝＿\＝
＠腦海閃過三個間諜在機槍聲倒臥既畫面…但鏡頭一轉，阿姐又十分之FRIENDLY地指示我地立即離開既出口，仲好好心咁提醒仲起度亂咁影相既衰仔競「你好收埋部相機啦，唔係俾兵大哥見到會沒收架。」真好人∼  
＠最後同守衛阿兵哥如實地報稱爬山了迷路，就連登個記都免了，三條友就大搖大擺正門離開，輕鬆完成４小時行程，hAPPY~
相關遊記:
2007年3月2日 |
