＠一年前落競在此線上演一幕終極迷路記，原本２小時既大路行程驟變５小時定向遊附加林藝環節＝＿＝真係要去見識見識…
 
＠大埔車站集合起步。為免重蹈落競既舊路，出發前十分之慎重地研究過路線並選取了最大路的方案！先向泮涌新村進發，沿泮涌路上行至馬窩。
 
＠在馬路ｕTurn位之前轉入石屎小路，地圖顯示入小路後立即有分叉小路，好右邊斜泥路上山，但越行越唔對路，經過無數山墳去到近頂位置！Feel到有100ｍ了但路去到一座大墳竟然斷了！！爆林既話離山頂最多只有４０米，但閒遊模式謝絕林藝。我決定返回石屎小路再作打算，點知返回石屎路再轉個小彎就有一條終極大路上山，路口還有牌介紹返是馬窩郊遊徑之類…嗯…好彩無爆林…  
＠大路極速上到山頂涼亭平台，確實係一個終極人工化既山頭。  
＠景觀總算不俗，前方可見有龍山、九龍坑以至屏風八仙等等，後方是永遠的大帽，相比之下，下一站社山還真是個平緩矮小得可憐的小山崗。
 
＠小休一會登下標高柱就繼續起行，大方向落山隧道越過吐露港公路，在公路另一邊覓路登山，初段零路標，成條路被雜草食左一半咁滯好似Ｎ年無人行過咁，但地圖顯示正確∼唔理照行。沿石級上行好快轉入草叢小徑再進入一竹林隧道！嘩好Feel到呢！   
＠過竹林後路密左少少，但好快就去到電塔旁的荒廢車路，沿車路出返衛徑，一路上極多爛鬼Test Tube唔知搞乜…馬路北行再左轉入蓮澳，在登山口有小否子熱情歡迎，再有好心村民指路，太好∼  
＠屋後大路１５分鐘到頂，考輕鬆，一路盤算著，這條路線如何可以鏟林登頂玩足五個小時，實在係不可思議＝＿＝ 
 
＠社山山頂風景相當不俗，可以望到剛剛的錦山和整個林村谷，在蓮澳村落後方還可以看到荒廢了的梯田！  
＠賞完景繼續沿三米大路下降社山村，一落到村經已發現神木，果然係考巨大！   
＠整棵神木被木板路圍起來∼其中一枝的底部經已枯掉還有一個大樹洞。  
＠睇完樹沿木板小路離開，一路都有好多路版指示，十分之 User Friendly。  
＠最後穿村出林錦公路搭車閃人，全程 2.5 小時…
相關遊記:
2007年3月3日 |
