|
＠大埔尾巴士站起步，站後有石屎路引上山，途中會有少量小狗歡迎。
 
＠石路盡頭會去到福壽農塲，在路邊發現殘肢一具。
 
＠退返出少少有路穿過身旁的小竹林。再越過小溪一道，此乃鹿山飛瀑上源。經過一廢屋就開始上山的路，路徑尚算明顯。
 
＠十五分鐘左右便接回大埔滘黃路了，在林蔭裡走十分清爽。可惜風景都比樹遮哂，呢個位可以窺探到外面。
 
＠網上資料顯示上鹿山必要鏟林，我地亦已有所覺悟，沿黃路邊走邊觀察。找到可行的缺口就鏟了!! 這裡有各式各樣的林，如荊棘、疏木林、竹林等等…幸好一開始已在頗高的位置，只要鏟一小時許便登上了鹿山之巔。
 
＠果真如傳說一樣山頂被密林所據，全無景觀可言，可說是為登頂而鏟林的一段。標高柱十分新淨。
 
＠離開山頂是一條較開揚的疏林，沿路無數個山洞，可能係戰時遺址。又鏟了大半個小時回到黃啡路交界，脫離密林。
 
＠經啡路及自然教育徑出到集水漏斗，中途撞到星仔，拉埋佢上荔枝山。經過管理站及研習園，沿車路上走半小時左右，右手面便會有小路上荔枝山。
＠上荔枝山係好靚既石路…真係估唔到，仲好新下，可能岩岩整好無耐，有哂扶手咁。
 
＠上山途中睇住個太陽落緊山，死追上頂！剛剛好睇住佢沒入大帽山後。
＠這裡的風景頗特別，很少從這個角度看吐露港、馬鞍山等地，可惜今日都有d 煙霞。
  
＠由於時間關係，無落黃宜岰，由東面的靚路落山，中途經一座新涼亭。出到大埔公路，黃昏lu，由大埔尾計起全程行左四小時許。出到疊翠豪庭，對面就有巴士站啦。
2004年11月27日 |
