|
＠撘72a去大埔工業邨大發街站落車起步。
 
＠沿鳳園既大直馬路前進，可以見到九龍坑山起左面。馬路行到盡頭會接山路上石級，再行１５分鐘左右又會接返車路，轉左係去沙羅洞。
 
＠先上後落，未幾又到車路盡頭，會有一座涼亭，左手面有小路繼續前進。中途有一個燒斷了的路牌…過了不久景觀就會突然好開揚，睇哂成個屏風山。
＠越過一段高草地區就會到達傳說中既沙羅洞廢村啦。
 
＠成條村都生滿左雜草，右方的屋門口寫住「內有惡犬」，是真的，諗住行埋少少睇下就有一隻熊一般的狗撲出來…
  
＠跟著路牌指示離開向平山仔出發，一路都係靚山路，途經小橋流水，３０分鐘左右便可與衛徑會合。踏上登山之旅。
＠屏風山。
 
＠遠望鶴藪水塘。 ＠衛奕信徑。
 
＠一開始上屏風山好吃力，果然係衛徑三星路段，加上烈日登山，一路都係抖多d 好。
 
＠離開山谷位上到山脊線景觀極開揚，呢面可以望哂成個屏風山腹地。只要登上左屏風山既山腰路就會舒服好多，成條平路咁落差好少。
＠我地起一條有樹蔭既乾橋下大休，發現一條雞冠蛇，比我地包圍影相郁都唔敢郁。
 
＠鹿頸、沙頭角、深圳，呢個時候諗緊聽日深圳登山團究竟行邊座山…
＠真係成塊屏風咁，又闊又企。
 
＠這裡應該係傳說中既犁壁山附近，不過太熱唔想證實，都係哩起石後面抖抖先。
 
＠頗有趣既Z型山路。路邊發現一個類似出口物體，還有危險牌乙個，唔知去邊架呢？
 
＠純陽峯！幾經辛苦終於上到第一個峯。仲有慢慢長路，中途見到好多行友，果然係熱門路線。
 
＠果老峯…落山上山落山上山落山上山落山上山落山上山落山上山！仙姑峯！耶∼
 
＠之前既山峯都可以睇到船灣，但係起仙姑峯睇真係正好多，行出馬騮崖少少睇，可以睇到200度景色。
＠右至左，大尾督、船灣主壩、長排墩、三門山、鵝髻頂、鹿湖峒、觀音峒、涌尾，成條環湖線睇哂。
 
＠落山接自然教育徑出大尾督。暴走教育徑落山，剛剛五時許，準時收工食飯。
2004年10月30日 |
