|
 
＠ 一點半東涌集合起步，向薄刀刃大方向出發，上山的路就在警局對面馬路。
＠黎講呢，亂過馬路就係唔岩架啦，仲要係起警署門口做d 既咁野。
  
＠上山的入口，路徑明顯，行幾步就會接坑渠乙條，跟著佢行就ok。坑渠盡處就會接返山路，呢段幾斜，未熱身走得幾辛苦…在小樹下休息一會影相睇風景。
 
＠阿鬼呢個pose 很有貞子當年既神緒。
＠兵開兩路，team A 非必要攀爬，team B正路。少鏟一會，多左幾條疤。
 
＠幾經辛苦翻上第一個副峰，部份隊員呈美玲狀態。
 
＠副峰崖邊發現一堆已用既彈殼，成為今日行程既紀念品，先交由阿競後期處理。
＠根據軍火專家和仔既資料…呢ｄ係英軍冷凍式機槍〔ＭＫ１〕既彈殼，此款機槍在1979年已經全部退役，所以ｄ彈殼起碼有２５年歷史！！
 
＠向主峰出發，經過一段必要攀爬及小密的路。
 
＠好玩唔玩起度玩泥，搞到成身都係…
 
＠費林激攀 1 hit！ ＠真相…
 
＠另一條山脊，可下降赤蠟角村，驟眼睇都幾尖。下次可以一試。
＠阿競又起度眺望遠方扮沉思，但係佢腳下既咸書已經出賣左佢…
 
＠成功登頂，標高柱比雷劈斷了。斷了的標高柱及塗鴉乙個。
 
＠小休。
＠背景為鳳凰彌勒。離開主峰，前面呢個峰同主峯差唔多高，落差不大，只有一個小岰位。
 
＠輕登成功。另一端就係今日既下半場目的地婆髻山，沿山脊下降岰位。
 
＠阿競發現前方有一個懸空既巨石台，成班人下降影相。巨石台直指北龍谷地。
＠沿山岰正路向婆髻進發。未幾有分叉路，向左明顯一條直接落東涌，向右不明顯的上婆髻。
  
＠登婆髻的山脊。
 
＠近頂一段有很多巨石，可以玩下非必要攀崖。
 
＠左邊可以下望東涌機場全景，右邊則是大蠔、白芒等地。此峽谷乃白芒石澗也。
＠時正六時，差不多日落了，但係太大雲霞睇唔到個太陽。
＠山頂怒跳，可惜阿珊被遮住。
＠睇唔到日落睇下彩霞啦，黎一張展影。跟住閃人。
 
＠落山初段極斜，有80度，隊員星星一野就sir 左落黎，sir去左成五米，好癲。其他隊員都效法星星既做法。
 
＠天黑lu，東涌夜色。沿山路大約下降了一小時終於回到了馬路！
 
＠隧道內黎番一張完成合照，好彩無比車車死。回到東薈城散隊。有噴水表演睇。
＠我地4個之後去東涌灣燒野食，有隻個樣欠打的貓。
2004年11月13日
|
