|
＠遲了一個小時才出現於東涌，心諗早d 去赤蠟角村等班友仔，點知打比Mary，佢應該以為我係阿棠，爆了原來佢地仲起東涌老麥…我凸！
 
＠二人村內呆坐，幸有小否可供玩樂。等了半小時左右終於人齊，沿馬路入黃龍坑。在澗口堤壩附近找尋大休好地點，經打量後決定就在堤壩上開爐。
 
＠又係十分豐富既一餐，８個人竟然消滅左１４個麵…仲有蟹柳、火腿、丸等等。大休完準備升空，請帶上頭盔。沿黃龍坑郊遊徑上二千二百級左右便可登上大東山600米多d 既位置架啦，好輕鬆架。
 
＠離開郊遊徑向山頂方去前進，中途路過了幾間石屋仔，亦見到唔少行友，真熱鬧。最後終於找到霧之爛頭營15號，就在這裡休息，點知個營今日有人用，唔可以睏起門口，唯有屈起另一邊食風…
 
＠結果都係太凍…都無乜點睏到，五點左右就起行上頂！在近頂附近找到一座岩石，是觀日的好位置！
 
＠等待的一刻是漫長的，特別在暴寒既狀態當中… 慢慢看著天邊泛起紅霞，萬分期待…
＠隱約睇到太陽出黎啦！！
＠十分完美的一個海平面日出！
 
 
＠一邊暴寒一邊影日出！真係凍ｄ都抵！
 
＠睇完日出就開爐煑早點、熱飲一絕。食飽就分開兩組，Team A 去周圍行，Team B 留低渣攤。
＠遠望對岸的鳳凰山，相信對面只會有更多行友觀日。Team A 往大東頂標高柱出發，沿路芒草輕點，被岩岩出既陽光映成金色。
 
＠大東的山巔屬平緩一類，風景都唔錯，睇哂黃龍坑、二東至薄刀刃、東涌、鳳凰！上完大東諗著返去整早點，突然發現西南坡有懸空突出的石台！即刻拉大隊落去玩！
 
＠山頂岩石就係我地睇日出既位置。而下降石台沒有明顯路線，唯有鏟短草坡，石台旁有一心形裂石。
 
 
＠懸空石台激攀！可以玩倒攀！！背景係鳳凰及石壁水塘。精彩精彩！
 
＠十秒懸空石台留影，閃人。返去會合熟睡中既聚人。沿路下降蠄蜛石，其位置就在霧之15號隔離。
 
＠飛越石台！！
 
＠蠄蜛石好多位都可以玩！仲見到天池，青龍上源，而家咁睇係死水一池，不過都幾特別，成個泳池起在山岰中央。
＠早上的爛頭營，好多營友都岩岩起身，好熱鬧。
 
＠幾條友仔玩到一個屋仔可以爬上屋頂影相！正！
 
＠登上二東山頂，山頂亦有一間小屋！呢個係屋頂既一個奇怪裝置…
 
＠二東山頂發生欺凌事件，苦主係可憐既Terence。
 
＠在屋頂小休影相。
 
＠之後便下降南山郊遊徑回程lu，返東涌食飯。
2004年11月21日 |
