|
＠原定０８３０東涌集合，但對於前一晚攀完石加老邊既隊員黎講…is impossible…最後０９４５先人齊出發。
 
＠打巴到探屈道入口，１０４５鳳徑五段起步，上行無耐經已覺得力有不遞…行到上氣唔接下氣，十步一少抖呀∼老喇老喇∼嶼西黎講只淨分流頂、靈會至觀音呢個空白地帶，遠距離望到觀音南面ｄ岩壁極之Powerful!! 吸引！於是脫離了鳳徑，轉入羌山郊遊徑睇下可唔可以近觀一番。
 
 
＠一直水平橫移，開頭都覺呢條荒廢左既羌山徑都幾有趣味，仲可以欣賞到樓上強勁既觀音崖∼一路上雜草叢生，要跨越多個山石塌陷位，好有大陸行山feel，條舊路爛到咁成班賊人又變晒落石狂徙。
 
＠但當行左個幾兩個鐘都係山峪之間蛇走，後段都行到有ｄ氣餒。
 
＠到達大浪灣村對上山谷位時，大家決定將分流頂以至靈會山留待下次再遊∼！行程攔腰硬斬一半既做法從來都支持既∼
 
 
＠旅途上時有驚喜，上到靈會與羌山之間的草坪太陽出來了，風景意外的不錯說，同Window XP 預設張Wallpaper有９成似，羌山山腰位搵個靚草地午餐大休加午睡節，十分之寫意∼
 
 
＠１４００再動，輕取羌山再過觀音，兩山之間山坳落差成百米，睇到都唔想行＝＿\＝
 
 
＠由於時間尚早，決定橫移過觀音南崖果邊睇下有無石攀下咁，南崖石群幅員甚廣，最大型果部份位於再低一層的位置，我地中路插入條線都好難搞吓，７０度左右爛鬼草坡，要橫移到岩帶都要花ｄ功夫。
 
 
＠到達一幅坡板岩壁，土法攀爬再現，生疏哂啦∼但都好刺激∼
 
 
＠老競棄壁繼續橫移出石塔，回報話外面ｄ崖仲險惡，唯有落去研究研究∼發現一塊人面Do咀岩，好惡，又碎又直feel到玩唔到＝＿＝唯一可行路線應係對落呢條隱脊，睇下幾時有興小組一探。
 
 
＠無得再橫移唯有沿石脊上攀，兩野到頂ＫＯ觀音山頂，計落都九年無新登山紀錄入手∼觀音山山頂個view展望極佳，３６０全景睇哂大嶼群峰。
 
＠山頂再Hea多大半個鐘吹吹風，最後落鳳徑落山出東涌皇家飯一番樂∼
2010年1月9日 |
