新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖獅山探奇

路線:上半場法藏寺起步,閒遊石馬脊獅尾脊消磨時間。下半場竹園會合,午餐後翠竹花園入溯馬仔坑,覓路登雄獅拉矢石台大抖觀賞獅山,南坡無限攀爬直登獅頂,回程取道石馬內脊及石馬坑出法藏寺完成。

隊員:Pui, ABC (全程), Sylvia, Chyee(下半)

 

又一探奇力作,襯班死仔唔起度玩下d重點路線,等你地去旅行去得咁爽丫拿。路線主打探遊獅拉矢石及獅子山南坡一帶,網上資料不多,聽講到好險咁,都係人強馬壯先玩。Sylvia 兩點先收工,於是同ABC起附近搵d輕鬆線淺遊一下打發時間先,獅尾石馬係一個好選擇,結果變成四上落獅山精研。

相約十一點法藏寺集合,結果我早到痴兒遲到,打比地利王ABC決定放棄痴同隊提早出發。二人都未玩石馬脊,就先上石馬脊吧。

礦場一登小獅子後沿脊上攀,轉個靚彎山峪內竟然有一個三面環壁既大廣場,十分奇異既地方!

右邊繼續上行,之前聽落探員話石馬脊沒甚睇頭,只有些頹林道。但今日一遊感覺不俗,間中幾塊巨石阻路可以舒展一下身手。

又有一兩個外露石台可賞風景,不時遠觀對岸既雞胸南坡,幾多岩石似乎值得攀遊一下。

當然主打既石馬必會一遊,事隔年多,條路好似開大左好多,之前落石馬底好似要爆林一番,而家有大路直到,真方便。

攀一攀條馬頸,幾好玩。

再玩埋石馬後條石隙,可以壁虎上頂。我就過文天祥石影返石馬頂既ABC。

這時被放棄既痴隊員來電話自己身處對面的山脊,仲遠攝到正在石馬脊既我地,細細粒白點就係ABC,讚!

離開石馬繼續上行一小段便到達傻人塔的分叉路,在這裡下降獅尾脊。

時間尚早,仲有成個幾鐘先到會合時間,在獅尾找個好位置坐低欣賞下九龍巿景,還有可以研究一下下半場既路線。

小休後繼續,五步一小抖十步一大抖,周圍爬下坐下咁Hea住落山。去到危險牌拾獲被遺棄的隊員乙名,一起下山吃飯去。


竹園南h美心午餐九寶飯大抖等待燒隊員,近三點終於人齊可以起步。由地膽ABC帶路引翠竹花園,在h後發現小水壩,上網搵資料認得呢個就係馬仔坑既入口,就在入口便可以看到獅拉矢石,好近黎講。

進入荒坑。馬仔坑環境比想像中好,不算大路但路徑明顯十分乾爽,切記小心一路上有很多古井,一個不留神就Freefall.com,另外還有不少ii巢穴,還好都不在家。

馬仔坑太好行,一個唔覺意就係咁衝到咁上,完全無視左獅拉矢石既位置。上到半山先突然發現我地上得太高,但頭先又唔係好覺有支路引去獅拉矢石…雖然回頭太難,但無可能放棄主打既獅拉矢石,死死地返轉頭搵,數度遊林終於搵到條正路到達巨石底!

繞石半圈,發現多數都係直壁,可供上攀的唯一位置就係位於角位的一個缺口,先用鐵絲網借一個力就可以攀上石上的棧道,手腳位唔錯但係頗為外傾,轉上頂個位有d凸肚,小心d唔好比佢頂出去,典上頂無大問題。

搞左個幾鐘(自找的)終於上到獅拉矢石!優先一登黎個飛躍!!

真係好那大既巨岩!極度寬敞!一定要黎一記合作飛躍技,ABC使出秘術「賣飛佛」結果撐爆褲浪,笑到不行!!下半場攀爬使出浮誇技應會好涼快。

 

巨岩位於獅肚下中央位置,被成個獅子山環抱著,有d舞台Feel,向獅肚大叫仲會有回音,極讚。

玩完獅拉矢後我地無返回馬仔坑,就在巨岩前發現有登山的小路,行脊線應比坑來得好,而且…馬仔坑都溯左一半…都係行下新路化算d。

穿過一段叢林小路到達岩組之下,估唔到咁就開始激攀之旅,總括黎講之後就係必要加非必要攀爬直至山頂為止。

初段的岩石十分平易近人,手腳無限爬起黎十分有趣。未幾到達第一塊斜壁,可以沿壁底上行,亦可以直攀斜壁。

回頭下望獅拉矢石,真係好那大舊。攀壁中Bee仔來襲,都係快快手閃人。

再穿一段林路出黎發現一塊更大更惡的大波板,觀察一輪覺得上攀之可行性90%,於是全員又各自搵食,在壁底左下角開始攀登。

整塊壁斜度不算極大,都係70左右,加上Friction 120%up,手腳位不缺十分易與。

但當越爬越高,去到巨壁上段時回頭一看…嗯…好兩高…=_\=,雖然攀爬難度不高但不免有些lup水…

不過再上攀無耐就去到壁頂的棧道,安全脫出,回望返成塊大波板…太惡。

原以為攀到只為止,豈知還要攀越一塊短壁才接回山路,黎講今日既攀爬夠架啦。

返上脊頂竟然身處獅子山頂雙峰之間的坳位,原以為會由獅尾脊鼠返出黎添,但登峰造極既感覺唔錯。

六點…獅頂小休一會合照後閃人,本來今日預計都係石馬或者獅尾極速撤出收工,但痴隊員對石馬內脊強烈執著,見佢之前行過一次應該唔會太差既…更可順手多玩一條線,於是便決定取道石馬內脊離去。由獅尾落山時再一次回望剛剛玩的二段大波板…讚!

下降初段便有兩座石塔賞玩,猶其係二號石塔成座小堡壘咁。

二號石塔內巨石橫陳形成一個「Y」形通道,穿梭其中可以通往外面懸空深谷的石台,趣味十足,個人黎講對呢座石塔評價很高。

玩完繼續落山,經過此二石塔本來對內脊還有不錯的印象。

豈知好境不常,接下來等著我地既只有19爛泥坡、無限落石、荊棘叢,玩到入黑都未完,最後更要夜降石馬坑脫出,極之濕滯!為今日既行程添上了一個污點…痴兒當然免不了要被全員Rafu一番。

2006年4月16日

返回上頁返回首頁返回頁頂

 

Email